活著就係精彩。流料ROY手記

大家好呀!!! 我本新書簽名會呀!!! 多謝支持!!!

7月25日星期日~下午 4 點至 4點半

香港書展2010
攤位號碼: 1A-B02 (紅出版)

啱啱返屋企途中，就遇上車禍，係現場明明見到個女人訓係地上面，轉頭又唔見佐？？？唔通見我寫書寫到唔知寫咩好，就比D猛料我？？？

已經好幾個月冇經過牛下，今日搭車經過嗰陣，見到開始清拆，諗返起我同牛下有好幾段情緣。

細個嗰陣，我外婆係居住係牛下第八座，我地每個月都會到外婆屋企食飯，屋企八兄弟姊妹，仲有姨媽一家十幾個表兄弟姊妹，再加埋舅父一家，雖然大家擠迫係一個得兩佰多呎既地方，食飯嗰陣仲要係坐係走廊度食，但係都好開心，自從外婆搬佐去彩雲村之後，我對牛下開始生疏。

flora係我中一嗰年認識既女性朋友，我識到佢都算係一個緣份，因為佢係讀上午校，係一次同學追求之下，竟然比我認識到佢，一直以黎，我同佢都係好朋友既關係，無論事無大小我地都傾一餐，而佢係同佢阿嫲居住係牛下十三座，當年，亦有經常到佢屋企食飯，呢段關係直到中四嗰年因為佢要移民美國而告終，往後只係書信來往，記得有一年，佢返黎香港同我講，佢要結婚了。牛下又再一次成為我既回憶。

直到出黎做野，我其中一份工作係做地產經紀，我認識到我既前妻，離開佐牛下足足十年既記憶又再一次返黎，我真係發夢都冇諗過，佢係住係牛下第九座，而外父同外母係居住係十三座，flora屋企既樓下。

牛下呢個地方，足足佔據佐我大半生人既回憶，隨著牛下既遷拆，我知道牛下唔會再出現係我眼前，而我腦海內就只剩下一幕又一幕既回憶。

我已經完成晒所以出書工作，已進入排版階段。

三年，這本書由籌備至編寫足足用上了三年時間，當中經歷過很多風風雨雨，自從編寫以來，好不容易才能完成，尤其是在最後的一個故事「to be continue」，當我開始編寫這個故事的時候，遇上了很多的阻撓，如行動電腦無緣無故的損壞，一個月之內已經送交維修中心多達三次，家裡的電腦運行mirror備份已經長達四年之多，但也突然無故的死亡，把所有的檔案一掃而空，我只好一次又一次把手寫的初稿再次輸入電腦之內，更甚的是手稿也無故的被火燒毀，一切所發生的事件，好像是阻止我在繼續編寫。

記得在三年前的一次bbq聚會，當時，我跟朋友們在閒聊之際，我便初次發表了我的見鬼經歷，還得到朋友的賞識，其後，我更在「講台talkonly」節目中發表了「流料roy見鬼實錄」，即時引起各界注意，各大小forum網站加以轉載，我也被邀請在香港電台訪問，及恐怖在線節目中分享靈異事件。

大家都知道，我此生大上大落的經歷，同樣也是好不容易渡過，所以我一直排除萬難，勇往直前直到出版這一日。這書是我多年來的心血，也是我的夢想！「有鬼」一書，希望大家會喜愛，多謝大家一直支持，我會繼續努力，仍在編寫中的「有鬼二」，期待來年書展再見。

我唔係要攞D咩威，只不過，我要話比人知，我失去佐既野我要親手攞返！

我會係七月廿四日係書展有個簽名會，詳情稍後會再作公報。多謝大家支持！！！

係facebook既｢關係｣一欄裡面，好多時都係表白一段關係，不過，近來d人好似濫用佐，好多時都係見到｢交往中｣之後出現｢單身中｣，呢點唔出奇，｢分手｣ 係現今社會秒秒鐘都係發生緊，奇就奇在通常唔駛幾日就會變佐個做｢結婚！｣ 呢樣可能代表大家兩方經過了解之後而進入穩定期，過後幾日又會係關係一欄之中出現 ｢複雜關係｣，代表d咩？可能個男or個女仔係分手期間識佐第二個？定係仲未很定呢一段關係就真係要當事人先知！facebook 裡面既關係可信嗎？有分手後既男方or女方睇到之後，大家都會感到無奈！有朋友睇到會緊張起黎，為咩？正正就係一個宣洩？至今，我仍然都係覺得不可相信。

雖然係一個廣告, 但係拍得幾好, 好感動!!!

今日無意中睇到無記播既｢蝸居｣，故事裡面講到兩夫婦為佐買樓而疲於奔命，當中佢地去睇樓所發生既事情，令我諗起當年我做地產，真係一模一樣，成班人迫埋係一間三百幾呎既單位內，大家輪流出價，記得個單位原本係130萬到最後成交價係148萬左右！諗起當年真係有d痴線！記得，成功投得果對情侶，真係開心過中六合彩，相反，有對夫婦就當場痛哭流涕，唔知道果個仲以為死佐屋企人，而買到果對情侶最後都係比業主榻訂收場，佢地講得冇錯，再遲d真係得返樓揀人。

p.s. 最後我見到個市咁旺，我就走佐去做又一村，從此走上不歸路……

自從屋企用佐數記「而家電話」以黎，日日龜速上網已經火都黎，最慘既係近排成日斷線，就算唔斷線都係死下死下咁。

之前，我確實有打上去佢地個cs問過，佢地當然話呢樣果樣，最終，緊係派佐個師父上黎做測試，結果都係一如所料緊係唔得啦！佢都好客氣咁同我講，真係好慢，我返去公司report返呢個情況！

佢走佐之後，我仍然都有打去cs跟進返個情況，次次答我都係要等，仲搞緊喎，搞掂會通知我！我仍然係度等。

直到最近，我再打上去個cs問返個情況，結果係，file已經係上年自動close佐！吓？都無人同我講過喎！

如是者，我就同個cs講：「我真係用唔到妳地既服務，真係成日上唔到網喎！」

「先生，會唔會係你屋企既setting有問題呢？」

「吓？但係我用開個喎！」

「先生，唔緊要，同你逐步對啦！」

結果係對晒所有setting，信號燈，不斷開閂個盒仔，以致電腦setting，呢種「灑客」既手法，好多cs都會用到！不過，最離譜係佢同我講wifi可能唔穩定叫我用lan線駁個盒仔，但係又叫我去搵個wifi做測試？咁駁個lan線做咩呢？我就單刀直入同佢講：「小姐，我係connect到，有放ip比我架！應該唔似係我屋企wifi，同lan線有問題，不過係都上唔到網喎！」

「先生，係都係聽我講啦！再試埋其他野啦！」

「吓？個admin page上面顯示係冇信號喎！即係好似手提電話咁喎！咁點會上到網架？」

「先生，我都係覺得setting問題！妳再off佐個盒仔再試啦！」

結果係叫我不斷重複又重複咁on/off個盒仔！

「小姐，都仲係上唔到喎！會唔會其他問題呢？」

「先生，其實你上唔到網，同慢佐d咋喎！問題都唔大喎！」

「小姐，如果妳買部電視冇佐紅色，其他一切正常！咁係唔係有問題呢？」

「……都……都ok架！」

「咁我冇野講！」

佢地既生意手法係就係，你都簽佐兩年合約，你點會唔用喎！總之我「灑」到你到期咪得囉！

最近，隔離屋新搬黎佐一對情侶，男既外貌……可以話就算比佢出去偷食，我諗佢都冇乜可能！先唔講個男人，我標題都講明｢完美女人｣，咁緊係講個女人啦！

一個大約170cm高，瘦身材，樣貌有的似張子怡，當然撈味冇咁重！仲有d鄰家女孩feel，講到呢度，大家可能會問，唔係啩？我呢度咁偏僻都有近似張子怡既好野？未算！佢係狗店做寵物美容，即係平時見到一間鋪頭仔執頭執尾果d，佢每日放工都唔早，大約九點左右，我見佢返到屋企會放狗之餘，仲會買餸煮飯食，煮完飯之後，會帶埋隻狗行出去，我見佢就係行上去，一條大大話話我係呢度住左十幾年都唔係好想行上去既斜路！

咁辛苦行上去做咩? 就係為左等待佢個男朋友放工返黎，一齊返屋企食飯。

百世修來共船渡，千世修來共枕眠！女人，我大大話話都遇過唔少，幾衰，幾臭脾氣都有遇過！咁既完美女人就……都唔幸得咁多！