見鬼日誌
Apr - 02 | By: 流料ROY | no comments.
Filed under : 見鬼日誌
3月28日
訓醒之後，個人好攰，攰到唔想起身，可能尋晚發左個好長既夢，記得係同一個女人去佐好多地方，做佐好多野，但係又記唔起去過邊？做過D咩野？好奇怪。當我起身落床既時候，發覺地上有尿漬，應該係阿Moon忍唔住，多年黎阿Moon係唔會係房度痾尿，因為佢習慣每朝都會叫醒我放佢出去。
晚上約佐倆位朋友做微異錄訪問，可能大雨關係，倆位朋友同樣遲到，我只好一個人係公司樓下繼續等待，等待期間，我撞見一位多年冇見既前度女朋友，寒喧幾句，得知佢最近離婚，更一個人搬左出黎，佢仲話有時間大家約定食飯，大家仲交換電話。
冇耐應約做訪問既倆位朋友到來，佢地都唔好意思要我等咁耐，我就同佢地講：「好在你地遲到，唔係我點會撞見我舊情人丫！」
「哦？真既？咁都撞見即係有緣啦！」
「都係既……」
「咁你對佢仲有冇Feel先？」
「唔知呀……」
「睇你笑淫淫咁，唔好唔認喇！」
「都……仲有……少少啦！」
「咁有冇問佢攞電話呀？係就食住上喇！」
「梗係有！」
我攞起手上既電話，發覺剛才佢比我個電話號碼不見了……..
RSS feed for comments on this post. TrackBack URI