活著就係精彩。流料ROY手記

有網友EMAIL問我同我直接買書有咩好處??? 我又好直接答就係可以唔駛比書局食佐我一半錢之餘，同埋你地仲可以有我簽名!!! 因為發行商會抽佣之餘，大部份都係書店抽晒，係七折八扣之下，我都係得返四成，仲要等一年後先至有錢收!!! 當然話分兩頭，係出面書店買既好處係可以幫我谷吓銷路囉，唔係點可以加印第二第三版??? 我自己果D簽名本只餘下廿多本，今次真係賣晒就冇!!! 我係度再三多謝每一位支持我既Fans，多謝!!!

各位海外fans, 如果大家想訂購<有鬼>呢本書既話, 大家可以email比我, 我會付上親筆簽名. 香港fans如果等唔切書局發售既話, 都可以搵我直接訂, 呢兩日星期六日我都可以係所有地鐡站交收比大家!!! 多謝支持!!!

email : roy@roylau.org

好多人都聽過 “一個人如果冇佐夢想，咁就同咸魚冇咩分別!!!” 我既夢想就係出書，上星期日，我終於將自己多年黎既夢想實現，我亦都見證佐我本書既誕生。

今次出書，我當作為中國人第一次火箭升空既創舉，下一步就係要去登陸月球，雖然好似係跨張佐D，不過，開心的確係好開心，因為係呢年幾以黎埋頭苦幹，真係不眠不休，日頭開工，夜晚就開夜車，不停係咁張之前果d錄音轉化做文字，之後就不停去編輯同修改，修改又修改，年復年，日復日，直到出版既一日，當中既努力到今日係冇白費到，我好幸運有屋企人既支持同幫助先得以順利完成，多謝大家!!!

記得啱啱開始編寫既時候，其實我遇上既困難就係唔識點去寫，正確黎講係一開始其實好多編文都係用佐 “口語化” ，大家可能睇睇下會發現點解會有” 吓，哦，喂” 之類既字，其實之前全編故事都係咁，一初我心諗真係想親切d，好睇d!!! 但係寫好佐成五，六個故仔之後。發覺真係好似唔係咁好，所以問下屋企人同朋友意見，最後大部份都建議我轉返做書寫文。

就係咁，我又用佐成大半年時間將口語化轉為書寫文，之後又遇上一個問題就係點形容好呢??? 就好似口語化講 “咁點好呀???” 書寫文係叫做” 現在怎麼辦???” 對一個攞8u生黎講，真係一個極難既事，仲有既就係錯字，一開始就係咁錯，之後比人改又錯，再改再錯，一直都係錯，錯到去做校對之後先至可以修正返晒，我真係冇諗過我D錯字係咁離譜架!!!

最後，我呢生人要做既野比好多人都好好，我結過婚，有個女，有錢過，亦訓過街，成功過，當然都經常失敗，雖然失敗既比成功既多，付出既比得到既少!!! 但我都好知足，此生無憾!!!

如果大家有夢想既話，唔好理佢大定係細，一步一步咁去做，慢慢就會開始實現，我都可以，你地都一樣可以，夢想成真!!!

送上我近來好LIKE既 農夫作品 24 ，希望大家都LIKE!!!

“有幾多個人有幾多個夢想從來未曾實現”

成日係facebook寫完野又唔記得係自己個blog度post返出黎, 都係個朋友同我講返先至醒起.

講返正題, <有鬼>新書簽名會已經完滿結束, 我係度好想多謝一直支持我既人.

多謝屋企人, 多謝fans們係大熱天時排隊排成大半個鐘到場搵我簽名, 仲有特別多謝fans patpat同money, 專程請半日假過黎支持, 仲買埋好好味既cookie比我, 多謝晒!!!

新書係書展呢幾日已經售出百多本, 成績都算唔錯!!! 聽日開始各大書店公開發售!!!

本人 流料roy 真心真意係度再次多謝各位支持!!! 希望大家鍾意<有鬼>呢本書.

更希望大家比d意見!!! 多謝支持!!!

流料roy

各位FANS:

如果大家有買我本書既朋友, 因為已有朋友同出版社出佐事, 係唔止一個人, 所以為保障閣下安全起見, 請把書包好就應該冇咩事!!!! 多謝合作!!!!

大家好呀!!! 我本新書簽名會呀!!! 多謝支持!!!

7月25日星期日~下午 4 點至 4點半

香港書展2010
攤位號碼: 1A-B02 (紅出版)

啱啱返屋企途中，就遇上車禍，係現場明明見到個女人訓係地上面，轉頭又唔見佐？？？唔通見我寫書寫到唔知寫咩好，就比D猛料我？？？

已經好幾個月冇經過牛下，今日搭車經過嗰陣，見到開始清拆，諗返起我同牛下有好幾段情緣。

細個嗰陣，我外婆係居住係牛下第八座，我地每個月都會到外婆屋企食飯，屋企八兄弟姊妹，仲有姨媽一家十幾個表兄弟姊妹，再加埋舅父一家，雖然大家擠迫係一個得兩佰多呎既地方，食飯嗰陣仲要係坐係走廊度食，但係都好開心，自從外婆搬佐去彩雲村之後，我對牛下開始生疏。

flora係我中一嗰年認識既女性朋友，我識到佢都算係一個緣份，因為佢係讀上午校，係一次同學追求之下，竟然比我認識到佢，一直以黎，我同佢都係好朋友既關係，無論事無大小我地都傾一餐，而佢係同佢阿嫲居住係牛下十三座，當年，亦有經常到佢屋企食飯，呢段關係直到中四嗰年因為佢要移民美國而告終，往後只係書信來往，記得有一年，佢返黎香港同我講，佢要結婚了。牛下又再一次成為我既回憶。

直到出黎做野，我其中一份工作係做地產經紀，我認識到我既前妻，離開佐牛下足足十年既記憶又再一次返黎，我真係發夢都冇諗過，佢係住係牛下第九座，而外父同外母係居住係十三座，flora屋企既樓下。

牛下呢個地方，足足佔據佐我大半生人既回憶，隨著牛下既遷拆，我知道牛下唔會再出現係我眼前，而我腦海內就只剩下一幕又一幕既回憶。

我已經完成晒所以出書工作，已進入排版階段。

三年，這本書由籌備至編寫足足用上了三年時間，當中經歷過很多風風雨雨，自從編寫以來，好不容易才能完成，尤其是在最後的一個故事「to be continue」，當我開始編寫這個故事的時候，遇上了很多的阻撓，如行動電腦無緣無故的損壞，一個月之內已經送交維修中心多達三次，家裡的電腦運行mirror備份已經長達四年之多，但也突然無故的死亡，把所有的檔案一掃而空，我只好一次又一次把手寫的初稿再次輸入電腦之內，更甚的是手稿也無故的被火燒毀，一切所發生的事件，好像是阻止我在繼續編寫。

記得在三年前的一次bbq聚會，當時，我跟朋友們在閒聊之際，我便初次發表了我的見鬼經歷，還得到朋友的賞識，其後，我更在「講台talkonly」節目中發表了「流料roy見鬼實錄」，即時引起各界注意，各大小forum網站加以轉載，我也被邀請在香港電台訪問，及恐怖在線節目中分享靈異事件。

大家都知道，我此生大上大落的經歷，同樣也是好不容易渡過，所以我一直排除萬難，勇往直前直到出版這一日。這書是我多年來的心血，也是我的夢想！「有鬼」一書，希望大家會喜愛，多謝大家一直支持，我會繼續努力，仍在編寫中的「有鬼二」，期待來年書展再見。

我唔係要攞D咩威，只不過，我要話比人知，我失去佐既野我要親手攞返！

我會係七月廿四日係書展有個簽名會，詳情稍後會再作公報。多謝大家支持！！！

係facebook既｢關係｣一欄裡面，好多時都係表白一段關係，不過，近來d人好似濫用佐，好多時都係見到｢交往中｣之後出現｢單身中｣，呢點唔出奇，｢分手｣ 係現今社會秒秒鐘都係發生緊，奇就奇在通常唔駛幾日就會變佐個做｢結婚！｣ 呢樣可能代表大家兩方經過了解之後而進入穩定期，過後幾日又會係關係一欄之中出現 ｢複雜關係｣，代表d咩？可能個男or個女仔係分手期間識佐第二個？定係仲未很定呢一段關係就真係要當事人先知！facebook 裡面既關係可信嗎？有分手後既男方or女方睇到之後，大家都會感到無奈！有朋友睇到會緊張起黎，為咩？正正就係一個宣洩？至今，我仍然都係覺得不可相信。

雖然係一個廣告, 但係拍得幾好, 好感動!!!