活著就係精彩 ● 流料ROY手記

http://www.staradio.com.hk/programs/anns-ghost-channel-ep19/ http://www.staradio.com.hk/programs/anns-ghost-channel-ep20/

有線《大凶捕》第六集 蕉屍夢想 最後五分鐘有我訪問片段，多謝大家支持啊！

本人親自卜卦，可問：流年、姻緣、事業、學業、自身、問事、陰人、病況、失物、樓房租售……等等。 收費：$300/一卦 新店地址：旺角總統商業大廈 W Plaza，2/F, 238鋪 營業時間：星期一至日，下午5:00-10:00，公眾假期照常營業 敬請預約，預約電話：2398-7697   檢視較大的地圖

唔係大家身邊有冇朋友喜歡畫公仔？經驗不拘，本人現正尋求合作機會，有意可以EMIAL比我詳談，thanks！

誠品網路書店 – 有鬼(第二版) www.eslite.com/product.aspx?pgid=1001256442143728 博客來書籍館 – 有鬼(第二版) http://www.books.com.tw/exep/prod/booksfile.php?item=0010546186 金石堂網路書店 – 有鬼(第二版) http://books.yam.com/book/book_page.asp?kmcode=2018576804081&actid=WISE 五南文化廣場網路書店 – 有鬼(第二版) http://www.wunanbooks.com.tw/product/9789888072460 YESASIA: 流料ROY – 全部- – 郵費全免- 北美網站 http://www.yesasia.com/global/%E6%9C%89%E9%AC%BC-%E4%BA%8C/1024689486-0-0-0-zh_TW/info.html

真心多謝每一位支持<有鬼二>讀者們，粉絲們^^

各位: 本人是一個網上靈異電台節目主持, 而每晚節目當中, 有不少見鬼求助個案來電, 從對話中得知他/她們的苦況, 因為本人都是同樣擁有”陰陽眼”, 所以我亦好明白他/她們的煩惱是為什麼, 有見及此本人成立”香港陰陽眼協會” 希望可以幫助他/她們, 多謝大家支持本會. 會長 流料ROY   如果大家有 “親身見鬼經歷” 的話, 歡迎加入本會,多謝支持!!! 香港陰陽眼人協會專頁 (公開) www.facebook.com/wecansee.org 香港陰陽眼協會專頁 (非公開) 只招待會員 www.facebook.com/groups/wecansee 香港陰陽眼協會官方網址 www.wecansee.org email : info@wecansee.org

記得係一年前，我寫佐本書叫<有鬼>，故事講述我係呢三十年黎所見到既經歷，一心諗住只係寫佐就算，冇咩期望，亦唔敢講可以賣得到咩成績，直到四個月後出版社同我講D書已經賣晒，我先知道原來我寫既野係有人會睇。 出街之後，突然香港sina搵我做專訪，我莫名其妙之餘，更知道多佐人認識我既存在!!! 之後上埋人網既恐怖在線做嘉賓，仲得到edmond大力推介，同時係新mon怪談，當時做節目主持既”巫邪”，佢走黎搵我做訪問，記得訪問當日係以電話訪問形式進行，即時得到聽眾歡迎，之後，我再正正式式上佐去做一次節目，係好評如潮之下，我就係咁加入佐新mon怪談做埋主持到而家。 今年，我順理成章推出埋<有鬼二>之後，更得到<晴報>編輯eliane邀請寫專欄，從前一直只係默默耕耘既我，開始多佐人認識，我真係好開心，至少我寫既野有人會睇。 最近，好朋友阿威係一次偶然下，佢同我講叫我試下做場”棟篤嚇”，佢仲話應該會有人睇，初時，我都係聽佐之後就算，我心知道係香港好難可以好似黃子華，占SIR咁可以企係度做talkshow，而內容仲要係”鬼故”，真係 “有鬼人黎”睇咩!!!” 今日, 我真真正正鼓起勇氣做一場”棟篤嚇”, 仲得到fans們大力支持, 係短短一個鐘頭內25個位滿晒, 而我當時一直抱住懷疑既態度, 就係我都唔係好信有人會黎, 直到個talkshow開始之後, D來賓陸陸續續咁到場, 我先知道原來真係有一班忠實既fans到來支持同打氣, 仲有倆位係黎自澳門, 我真係好感動. 雖然係程序上有少少出錯而引起混亂，我係度真係要講聲”唔好意思”，我保證下次安排會好好多!!! 一切一切都係大家比我既機會同能量，我會好好記住您地每一位!!! 再一次係度多謝大家到黎支持我，駛到<流料ROY有鬼人黎棟篤嚇2011>得以完滿結束，希望今晚唔會令大家失望，如果要提出咩意見要改進既話，可以係度留言比我又或者EMAIL比我，我會盡快回覆。 今日亦都係<流料ROY fansclub>成立之日，特別鳴謝好友joker cafe老闆anfrenee親力親為煮出高水準野食，仲有toby很做我個會既”華人永遠會長”，不眠不休幫我對稿karen，超好友加德仕，好姊妹阿ling，老死billy，啟蒙老師巫邪，大會專用攝影師joseph，係百忙中抽出時間，駛我過佐一個好難忘又開心既晚上，希望日後再搞多D活動比多D唔同既FANS參與，多謝!!!

好開心可以認識到一班好朋友rachel, uny, 鬼強, 法基師叔, 華師兄, 多謝您地支持我!!! 《七月十四之救命啊》 節目錄音

《有鬼二》最後一次書展簽名會，約定您地到時見！ 時間：7月23日，下午 4 時至 5 時 地點：香港書展2011 紅出版 攤位號碼: 1A-B02 香港灣仔會議展覽中心

為配合係書展推出，整合之前及專頁，同埋ebook係十月上市，所以更新，多謝大家一直支持!!! 7月24日書展見!!! https://www.facebook.com/roylau.fansclub

從細開始我就遇上好多好多靈異事件，三十年o黎，見鬼已經成為我生活o既一部分，可以話已經o係一個習慣，以前，我只o係知道見到，但係我唔知道點解佢地會係度出現，更加唔知道佢地出現o既目的係為佐D咩??? 直到一次偶然機會，我在阿威(阿威是香港人網恐怖在線版主)介紹之下，認識到一位資深靈異節目主持edmond poon，眾所周知，edmond主持過既靈異節目長達十年之多，已佢豐富o既認知，使我知道更多關於靈體方面既事情，就因為認識到edmond之後，更認識到，卓飛同chirs tai…… 卓飛同chirs倆位亦都係香港資深靈異傳媒人之一，佢地會用好科學o既角度，去解釋所有靈異事件同事物，使我更進一步了解事件既真相!!! 雖然仲有好多好多係科學上仍然未能夠解釋既事情，至少，我係佢地身上學會對靈體更進一步認識，好多謝倆位好朋友。 之後，我加入佐新mon怪談陰間電台當上主持，我再認識到巫邪，法基師叔同華師兄，仲有一班節目之中邀請到來既嘉賓師父，從玄學角度分析所有靈異事件，係中西合壁之下，使我更加深入了解靈體既存在，使我更加知道”世界之大，真係無奇不有!!!” 小第有幸參加今次香港靈異學會活動，更獲邀為學會榮譽幹事一職，內心感到興奮之餘，更得知學會內有多名骨幹成員係來自中外，有外國資深靈異調查員，有通靈師，有薩滿式祭師，有靈體分析學家等等…..希望可以透過香港靈異學會更進一步了解靈體既存在，作為求知慾強既我，對科學未能解釋既靈異現象同事物，我都好感興趣，因為仲有好多好多未能解答問題，或者可能係無法解釋既問題仍然存在……

唔經唔覺，我既人生走o左四十個年頭，係呢四十年o黎真係經歷過唔少風風雨雨，有起有趺，有失有得。人生中最記得o既第一件事，就係小四o個年…… 記得小學四年級o個年，當時班主任 “歐陽琬霞” 老師曾經同我講過：「你阿爸改你呢個名真係冇改錯，你真係永遠都唔會得。」就係呢句說話，我銘記於心三十幾年，又有一次係中學o既時候，中三o個年，有位教中文o既陳sir同我講過呢句話：「你出世就係多餘，你再留係呢個世上都係多餘o既!!!」 之後，我因為鍾意寫作，所以我中四o個年選修文科加中國文學，就係中國文學呢一科影響我好深遠。中五會考o個年，我中文科好用功去讀，結果我考佐8個u，我深信就算讀書唔成，只要努力一定會有出頭天!!! 唯有出黎打拼天下。 啱啱出o黎做長工，我去佐渣甸做個信差，當時人事部o既阿頭花姐，佢同樣同我講過呢句話：「你呢種8u廢柴!!! 你仲可以做得咩??? 有我收留你，你算好好彩!!! 」當然，我做o左大半年之後，我冇再繼續做落去，我去佐做電腦。廿幾年工作裡面，我做過好多工種，真係咩工作都做過晒。 最晦o既時候，我訓過街，人生第二個轉捩點，就係當時一位係人都知道佢係黐線o既黐線佬走o黎同我講 : 「哈哈！你攞住o的紙盒走o黎沖涼??? 你係唔係黐線o架??? 」我居然比一個黐線佬話我黐線，我真係好氣憤!!! 於是，我又好努力去做人人唔願做o既清潔工作，第一日出糧，我搬佐去深水埗住籠屋，即係一間屋裡面，間佐好多個近似老鼠籠咁上下，一個位再上中下三格o個種，訓覺要攬住所有o野訓，如果唔係第二朝起身，o的o野會唔知去晒邊。居住環境好惡劣，人又多，又嘈又嗅，當時，我同自己講，我唔會再訓街，我唔會再返黎呢度!!! 記得做電腦o既時候，除生同我講過呢句話：「如果環境唔許可的話，就自己去創造一個出黎，係屬於自己o既環境，用自己創造出o黎o既環境去改變人地。」呢句話使到我畢生受用，之後做地產工作o既時候，我的確搵佐好多錢，但係九七年一個金融風暴，一夜之間咩都冇晒!!! 往後，我又做過其他唔同o既工作，可能，個天要我經歷過，考驗過，先可以得到一o的o野，最終係咩??? 我都唔知道!!! 我自細就有地中海貧血病，我成日要入院輸血，阿爸因為我要好努力去搵錢醫我，因為私家醫院排期夠快，有錢就有血輸!!! 阿媽就成日要去醫院照顧我，十二歲過後，我又同自己講，我唔會再返去，我要靠自己維持同延續自己生命。 咁多年黎，我經歷過好多事，遇過好多唔同o既人，就係咁，就鍛鍊出我o既口才同對人o既處事方法….. 今日係facebook祝賀我生日o既留言超過百多個，我真係好開心，當中，有好多支持我o既朋友，有好多比信心我o既朋友，我真心要多謝您o地，只要有您o地o既支持，我先可以一步一步走出谷底，走進成功路上。 係度要多謝一些人── 多謝阿爸同阿媽帶我o黎到呢個世上，使我知道生命係咁精彩，“感激得您不放低我更維護我” 多謝家人默默支持同鼓勵，尤其是二家姐，由我細個開始就照顧我到而家，咁大個人都要妳照顧我，真係醜!!! 二哥，多謝你對我o既愛護。 suann，多謝妳多年黎o既不捨不棄，我會好好記住，有錢我會分一半比妳。 曉嵐，多謝妳o黎到呢個世上，使我知道咩叫”養兒方知父母心” netbugs，多謝你係我最仆街既時候出手幫助我，比工作我做，我會記得你恩惠。 徐生，多謝你教識我做一個sales應該有o既態度同方向，可惜，你已經離開我o地。 修頓球場o既黐線佬，多謝你當年指住我話我”黐線”，使到激發起我努力。如果唔係，我可能仲訓梗街都唔定。 小巴，多謝你o既出現，你改寫佐我既下半生。 最後一定要多謝talkonly呢一個平台，比到我好多空間去發表我個人o既故事同經歷。 仲有一直默默支持我o既朋友們，fans們，我係知道!!!

最後20本，唔知道仲有冇人未買呢? HK$55蚊，要就請SEND EMAIL比我啦!!! 多謝^^ roy@roylau.org

已經不只第一次發生這種事情，到現在我還是搞不清楚，現實和夢境之間的事情，而這事件發生在星期五的早上。 當日早上如常起來，記得還是很冷，喝上了一啖溫暖的蜜糖水，之後便穿上厚厚的外衣，手拿起狗繩結套落在愛犬身上，準備出外。 清晨屋外真的很冷，我如常遇上在家外工作的清潔嬸嬸，往來一句問候，之後便跟上愛犬散步，牠也如常在草地上走動，在等候牠的同時，我也遇上趕緊上班的鄰居。 回到家裡，我如常梳洗，我喜歡早上淋浴，可以話是一個多年的習慣，那熱騰騰的水，使到我頓時清醒過來，梳洗過後，便換上了衣服外出上班。 我居住的地方是比較偏遠的大埔山區，每天早上在等候巴士時間比較長時間，一般都要十五至二十分鐘，我也習慣一邊等待一邊看手機上的蘋果日報新聞，當天比較幸運的是，我只看了好幾篇幅，巴士便到達，付款之後，我走進車廂比較後段的位置坐下來，往常我會閉目養神，但不知道在甚麼時候，我睡著了…… 再次起來的時候，我看到天花板，一個好熟識的地方，當時我再四處張望，心裡突如其來的不安，心裡想著 : 不是嗎??? 我怎會在這裡來??? 是真的嗎??? 起來的時候，有點驚訝起來!!! 我發覺我仍然在家裡的床上，我再望望我身旁的時鐘，已經是十點許，究竟是甚麼一回事??? 現在是夢境還是真實的呢??? 我點起香煙，深深吸了一口，這個時候，我看到在書枱上的手機，突然醒悟之前在夢中我看過的新聞報導，我連忙打開查證，結果那些新聞報導如同我夢中的完全一樣，為什麼會發生這樣的事情??? 直到現今，我還是不很定是夢還是……

我咁多年收過既生日禮物都唔少，咁啱今個月生日，成四十歲人，第一份生日禮物就係自己既著作可以出到第二版，今日係公司收到出版社送黎呢份禮物，真係好開心!!! 辛苦多年既成果得到很定，而出面既書店亦都開始發售<有鬼>第二版，有網友問到我生日願望係咩既時候，我當然希望可以再加印第三版啦!!! 如果以而家銷售情況黎睇，由發售至今係短短四個內已經售罄，我諗應該都可以再加印第三版。 至於<有鬼2>，發售日期應該都係今年七月既書展，真係冇辦法，時間真係唔夠，日頭又要返工，放假又要係屋企洗衫執屋同放狗，星期日又要返教會同湊女…… 時間真係唔多夠用，而家晚晚連訓覺都唔多夠時間，事實上真係好辛苦，不過，每當想停落黎既時候，又諗起fans們係facebook既留言支持，即時又再次提起精神再次投入<有鬼2>編寫工作。 係度再一次多謝支持我既fans們，喜愛<有鬼>既讀者們，只要有您地既支持，再辛苦多一點，我都樂意。

各位, 2010年就快過喇, 今日係31號, 當然要寫下自己今年做過d乜同埋發生過d乜啦!!! 回顧返我既2010年上半年好似冇咩野做, 其實我係努力寫書中, 到佐下半年後, wow….. 真係忙碌又忙碌呀!!! 7月份, 推出我個人第一本著作<有鬼>, 書展簽名會得到好多好友, 家人, fans支持. 8月份, 香港人網恐怖在線做嘉賓, edmond幫我本新書極力推介, edmond多謝您, 著作<有鬼>正式發售. 9月份, 香港新浪網<流料roy鬼話連篇>人物專訪, 訪問當日有過仟人在線. 10月份, 新mon怪談陰間電台做訪問嘉賓. 11月份, 新mon怪談陰間電台嘉賓主持. 12月份, 正式加盟新mon怪談陰間電台節目主持, <有鬼>第二版加印中. 係2011年, 應該都會由年頭忙到年尾, 因為<有鬼>ebook版本仍在編輯中, 係有好多重未曝光既相片係ebook版本中出現, 每個星期五要做陰間電台節目, <有鬼2>都係初稿中, 仲有係洽談當中既….. 到時先同大家會報啦!!! 仲有係我想係度多謝好幾位朋友, karen wong, money, 七叔, 巫邪, edmond, 阿威, netbugs, gladys, billy, 二家姐, 細妹, jacky仔, uny, rachel, 華師兄, 師叔, […]