Currently browsing 流料ROY大發現
我冇諗過呢隻”憤怒鳥”係咁受歡迎, 自從我post上facebook之後, 就不斷有好多fd問我係邊度買??? 最搞野係netbugs同我講佢尋晚攞住佢去停車場之際, 有個女仔跑黎問佢係邊度買???
我間中都會去達ming個blog度睇吓, 01年識佢到而家, 佢同時下年青人唔同o既係, 唔會今朝有酒今朝醉, 佢會好投入去玩, 但係會適可而止, 佢對電腦o既熱誠, 比任何人多, 可以同人分享所見所聞, 係個好上進o既青年, 佢知道自己學歷唔夠, 走去讀ive, 而家仲讀埋ou, 會為將來打算, 我好like佢寫o既blog, 好真, 可以寫出自己內心世界, 依樣連我自己都做唔到, 達ming我期待你會成功. 有興趣可以去佢個blog睇吓 亞特蘭提斯
有時睇電視，見啲BB奶粉廣告，成日話有乜有物，好似BHA呀！都係對個腦好啲。今日係小巴個Blog發現依樣野，如果見倒係順時針轉的話，係屬於用右腦較多，逆時針轉係屬於用左腦較多，大多數人o既眼淨係見倒逆時針方向轉動。見倒順時針多數係女仔多啲。唔信搵多幾個人試吓！我就可以控制倒順逆倆面轉，唔知我有乜潛能呢？
平時行海運，都會經過依間StoneGrill，次次見倒啲火山石好過癮，好想試吓，普通一個晚餐都要成四舊水！真係幾貴，難得今日有人請，梗係要去試吓。地方唔錯，好有情調，不過倆人位太細，啲野唔知放係邊，服務幾好，不過個餐湯，忌廉似菠菜湯，雜菜似熱檸水走糖，真係好酸！最好都係個餐包，真係好新鮮同鬆化。主菜我簡佐十安士西冷，第一次燒冇經驗，不過在場有waiter教授點燒係最正確，原來舊火山石有成四佰度高溫，塊大約一吋厚o既西冷，五分鐘倒就有六成熟，真係好勵害！西冷係依個時侯，真係可以鎖住啲肉汁係裡面，非一般餐廳、扒房可媲美，值得一去再去，如果下次我自已要去，我諗要等到出年二月。
係尖沙咀o既重慶大廈7樓E室o既咖喱王，黎依度食野真係唔知點叫，不過依度有個亞叔係香港人黎，負責service啲香港人，依個亞叔逢星期二放假，如果倆個人乜都想試吓o既話，一定要搵亞叔，佢介紹o既咖喱，真係樣樣有，味道一流，唔辣！我推介係個咖喱雞加簿餅，有雞鮮味同好特別o既咖喱味！埋單佰二蚊，真係好低！
成日睇雜誌、聽人講，仲有youtube示範，都話iPhone係劃時代科技結晶，聽就真係聽得多！輪到我玩佐倆日，掂！真係好掂！乜野O2呀！Touch呀！真係要死開！我覺得真係改寫佐手機o既歷史！不過掂還掂，世上冇完美o既野，係有啲決點。就好似無佐手繪功能就真係差啲，有時take notes手繪的確方便啲，同埋冇佐msn之類o既野，係唔方便！仲有個google map搵香港地圖最大係得個島，好唔detail。 星期五talkonly會再講多啲！
無錯，係佐敦伯加仕街，澳洲牛奶公司，無論幾點鐘去，真係得早餐食，冇花冇叚！依度啲炒蛋好滑，湯底好正，多士好鬆化，仲有杯茶，茶味一流，非一般茶餐廳可媲。不過，話時話依間野，無論幾時去都係要「搭枱」！我未試過成功佔有一張枱，你話有幾多人幫襯！
搬佐去旺角住佐都有一段時間，原來有咁多好野食。係花園街依間通達食店，係平靚正好好味o既首選，先講煎讓三寶，真係好大件，仲有招牌油渣麵，同深水埗周記唔同！我覺得啲料足好多，仲有招牌魚肉湯，真係好正，仲有蝦餅、粉果同腸粉，行開依頭，唔駛等我，自已去o歎吓！不過講明先，一個人去通常有位，同FD去就難搵位啲！
依間 Paris Cafe 係太子西洋菜南街(九龍表行隔離)樓上o既，以前個個禮拜都會黎，有時仲同埋個女黎，因為佢最鍾意依度o既 New York Cheese Cake，同埋依度真係好舒服，我最鍾意係依度o既窗口位，我覺得好平靜，好relax。不過自從上次有網友太熱情，所以都好耐無黎！我唔介意同網友分享，不過如果太熱情的話，我就覺得唔好意思啦！下次如果各位網友撞見我o既話，可以同我分享下你o既生活點滴，或者你地對流料ROY手記o既意見！
係太子西洋菜南街生發商業中心o既第尾牛扒，我諗唔駛我多講，好多網友都去過！佢地o既牛扒出晒名抵食同好食，不過佢地o既服務熊度亦係出名差，仲係好差果種，不過我講梗依間係分店，隔無倆條街就係總店，總店服務係最差o既，所以要食好啲，坐好啲，就要黎太子分店！唔通只要生意好，就唔駛服務？但係埋單果陣，又點解收我加一服務費？
今日去佐錦田，印象中錦田係一個好舊式o既地方，依間林園冰室係錦田大馬路七十五號(馬會對面)，依度啲裝修真係好古老，前鋪後居，仲係典型o既家庭式經營。我食梗野果陣，有個細路係我隔黎做梗功課，亞爸係度煮野，亞媽負責落單同冲茶。我問佢地有乜好介紹，佢就話香茅雞翼係依度推介，依度啲雞真係好鮮味，完全無市區茶餐廳果啲雪藏味！香茅同雞翼o既佩合，真係要一試！廿二蚊包凍飲，低食！
fw : www.netbugs.hk 話說之前talkonly做直播個Location條寬頻留左俾下手用，點知我地搬左之後原來下手無俾過錢，我失驚無神收到收數公司電話追我成萬蚊數。如果有網友知道有公司需要寬頻麻煩留個comment俾我，等我可以轉讓條寬頻俾其他公司，希望各位可以救救小弟，小弟定必感激不盡，以身相許!!因為條線依家已經斷左，Contract要重新簽過，所以Service Plan可以重新再揀。HK$299有2Mb上落，HK$448係1.5Mb(送六個月)，HK$498係6Mb(送五個月)，三個Plan都係簽十八個月約，我會除轉名同搬線以外私人補貼HK$1200出黎。
一直以黎，好想搵返童年時o既口味[盎頭排骨飯]，直到十年前搬佐黎大埔，有次行過大埔墟，見倒[明發]門口排晒隊咁(以前叫明發，而家轉佐名，不過啲野仍然超得)，好奇心下走佐入去試吓，就係咁比我揾返童年時o既味度！下次經開大埔虛真係要試吓，可能有意外驚喜！
尋日成日落雨，都無出街，唔出街通常會係屋企煮麵食，我試過煮麵唔記得佐，煲麵滾瀉埋，仲整熄佐啲火，都好危險吓，而家轉佐食依隻[御前之麵]，經過我本人實地測試，勁煲五分鐘，開蓋或閂蓋煲，同樣唔會滾瀉，就算煲到無水，都唔會著火，比著出錢一丁唔滾瀉都會著火！至於湯底係冬蔭湯味，真係一流，亦係我至愛加推介！
係荃灣四坡坊o既wincafe，要揾依度好難，行過都唔知，所以係我同朋友hea o既首選，依度真係好舒服，又無人埋，可以話死佐都無人知！我鐘意依度好有屋企feel！仲有好多野玩，好似結他、飛行棋、大富翁……諗唔倒o既都有！依度o既花茶好底，可以無限次加水，不過加倆次倒就好似飲滾水！