我今次介紹呢間日式餐廳，係旺角洗衣街同亞皆老街交界，地點好就腳好方便，仲係情侶拍拖既勝地。
先講明係一定要訂枱，我眼見walk-in客佢係唔做既，點解？係因為訂枱都要等一陣先有！呢度地方唔錯，裝修都好靚，不過，就係嘈佐d，如果可以request坐入面既話，我諗會清淨d。
一坐低就有個自稱係伙記既老細會走黎推介d咩紅酒，當然，我係唔飲酒就sorry啦！打開menu，最底係個set dinner，260蚊兩個人份量，我就一定夠食，個餐有我最like既南瓜龍蝦湯，味道好好，跟住係頭盤，都係龍蝦沙律，味道都唔錯，係隻龍蝦較為細佐d，因為得一半！到主菜係龍蝦加牛柳，嘩！正呀！牛柳五成熟啱啱好，好好味！兩個人份量，我就ok飽，再叫多個甜品就滿足喇！
我介紹佐netbugs去，佢都話ok！應該都冇死錯人。
有冇咁細同咁勁呀？
下午約咗朋友係中環對稿, 朋友有事要遲黎, 所以一個人係中環行吓, 經過中環中央街市, 係街市既對面, 有間裝修甚為日本feel既鋪頭, 行近原來係食日本拉麵, 我就係比佢門口嗰個日本人海報深深吸引.
入面既裝修就的確好日本化, 以中環兩點後都坐滿人, 來頭唔野少, 睇到都有啲肚餓, 即刻order一個合盛豬骨湯拉麵, menu仲要寫明係博多超濃豬骨湯.
一放上枱傳黎香濃豬骨味, 即刻飲一啖湯, 再飲多啖, 確實係超濃豬骨, 但係味道100%係阿媽自家煲豬骨湯嗰種味, 再食一口差燒, 一定會覺得係阿媽用黎煲湯用既瘦肉, 如果大家like返屋企飲湯食湯渣的話, 我係推介呢度, 好有自家製feell.
呢間野係我食咁多日本拉麵以黎, 最另類既一間, 但係我本人就真係唔識品嚐, 當我感到百感交集, 進退兩難之際, 眼前係一隻糖心蛋, 唯有再一試無妨, 我細細淡咬一口, 嘩~~~換黎一個又一個既驚喜, 糖心呈啫喱狀之餘, 蛋白同蛋黃恰到好處, 可以叫一絕! 係我係日本同香港未食過咁好食
埋單係68蚊加一, 口味既野就真係見人見智, 如果用68蚊黎食糖心蛋既話, 我就一定唔會.
p.s. 相片今晚補上.
我間中都會去達ming個blog度睇吓, 01年識佢到而家, 佢同時下年青人唔同o既係, 唔會今朝有酒今朝醉, 佢會好投入去玩, 但係會適可而止, 佢對電腦o既熱誠, 比任何人多, 可以同人分享所見所聞, 係個好上進o既青年, 佢知道自己學歷唔夠, 走去讀ive, 而家仲讀埋ou, 會為將來打算, 我好like佢寫o既blog, 好真, 可以寫出自己內心世界, 依樣連我自己都做唔到, 達ming我期待你會成功.
有興趣可以去佢個blog睇吓 亞特蘭提斯
仲想食d再好野, 可以行去隔離福隆新街, 依度有間完全唔起眼既”添發碗仔翅”, 依度既翅真材實料, 真係唔野少, 味道一流, 要食要早d黎, 唔係成日有, 老闆話買晒就收工, 要食好野, 首推係原盅雞炖翅, 一盅40蚊, 唔加味精, 超甜, 仲有濃湯瓦煲花膠翅, 一煲68蚊, 足料夠火喉!
係議事亭附近既大堂巷, 有間話自己黎自意大利既雪糕店叫”檸檬車露”, 依度既雪糕, 又真係幾特別, 好似我叫依個石榴加香桃咁, 真係好似食緊生果咁, d石榴仲有核添! 大熱天時整返杯真係唔錯! 佢地招牌雪糕係”檸檬車露”, 真係勁酸! 不過成25蚊杯, 低唔抵就見仁見智, 我就話值得一試.
議事亭前地, 我覺得冇咩特別, 就好似旺角咁上下, 人群真係太多, 不過, 都有唔少特色既建築物, 最出名既係大三巴牌坊, 又好似郵局, 民政總署大樓同玫瑰堂咁, 全部都好靚, 當然唔少得既美食同手信街
離開佐二龍喉公園, 我行佐十分鐘倒, 係賈伯樂提督街, 有間係依度好出名既茶餐廳叫”光輝咖啡”, 依度最出名就係豬扒, 我叫佐個豬扒撈出前一丁加辣, 豬扒既香同口感, 唔明既係, 依度係即叫即整既, 我睇住個老闆煮麵, 點解個出前一丁會咁乾身同埋咁彈牙？再加上秘製辣汁……正! 好好食! 16蚊抵食!!!
係東望洋山有個二龍喉公園, 地方好大, 好似香港動植物公園咁, 有獅子老虎冇大象, 我講既唔係依d野, 而係, 係公園大門口, 有個可以上山頂既纜車, 3蚊就可以來回, 上到山頂, 真係又係另外一個地方, 山頂有個好出名既東望洋燈塔同埋聖母雪地殿聖堂, 依度, 可以望到澳門大部份既地區, 教堂附近有個防空洞, 一個人行入去都咪話唔驚!
黎佐澳門做佐3日野, 工作都不忙去玩吓, 我諗澳門對大多數人黎講, 唔會好陌生, 今次行程, 就當係我既所見所聞, 依度同大家分享吓
澳門, 真係一個好細既地方, 週圍去都好方便, 最多人搭既交通工具, 我諗都係的士多, 每個地方都好近, 其實, 如果唔係太趕時間, 搭巴士都係唔錯既選擇, 3-4蚊就可以
係澳門最奇既係d街名, 乜野沙嘉都拉賈罷麗街, 乜野爹美刁施拿地大馬路, 唔好話我, 連住係度既澳門人都未必知, 我攞住本地圖去問人, 真係好多人唔知
澳門仲有樣好奇怪既係, 就係可以港幣同澳幣一齊用, 好多時去食野唔夠港幣, 可以比d澳幣, 又或者找錢個陣, 會找d港幣同澳幣比妳
澳門人多車多, 講起車, 我諗都係電單車最多, 通街都係, 仲有係檔鋪, 一條街起碼有5-6間, 唔通真係咁多人要去檔野? 當然唔小得既酒店, 賭場同美食, 係時候要講返, 我今次去澳門之旅.
我好鍾意食海南雞飯，食過旺角太平道、九龍城好多地方，始終不及泰國人海南雞，佢地o既雞好新鮮，好有雞味，仲好有口感，d飯真係唔錯，軟硬適中，好食得黎帶少少香味。
