大富翁
Jul - 03 | By: 流料ROY | 3 comments.
Filed under : 流料ROY手記
細哥果陣，最鍾意同屋企人玩「大富翁」，尤其是玩到起屋果陣，一間、倆間……咁起上去，人地行入黎就夠晒和味！大個佐之後，我而家做野既地方叫九龍站，依度好奇怪，啲業主就好似玩「大富翕」咁，買原一個又一個單位，啱啱用一億八仟萬買佐朝日閣天際獨立屋果位，早倆日又用多三仟幾萬，買埋同層後面倆個B同C單位！係1326呎+1255呎，A+B+C=8078呎+2259呎平台花園，我諗佢以後返屋企果陣，入到Lift，80樓個制，可以寫住「乜宅」or「乜府」！又真係幾High！我試過有時update啲業主，一個電話就可以知道佢樓上、樓下，隔離左右既情況，好多時都係同一個人，佢地通常話埋比我知，唔駛我又打黎打去，係真係幾方便既。話時話，依個暑假，我幫個女報佐魔術班，唔知有無教「變錢」呢？
好多人 d 錢唔駛變出黎既，由北方吹幾多落黎都得～
其實錢唔重要，最緊要係有福氣
好多人都晌股市執唔少。總之就富者越富，貧者當然繼續越貧啦！