一個為你甘去蹈火海的人
Jun - 27 | By: 流料ROY | 13 comments.
Filed under : 流料ROY手記
成日聽人講：「付湯蹈火，在所不遲。」依句話：「講就易，做就難。」如果真係要去做，又有幾多人真係會做得到？今日去佐灣仔一個新樓盤開工，下晝食飯果陣，食飯時間週街都係人，去佐間茶餐廳度，當時全間茶餐廳都坐滿人，但係有個卡位有一邊係無人坐，當時，我心諗食飯時間有位就坐低，嗱嗱林食完就走，坐低o既時侯，原來對面坐佐倆母子，一個五十多歲o既女人同一個四成皮膚燒傷o既男仔，眼見依個男仔成塊面燒濃佐同埋無佐個鼻，起初我都嚇佐一嚇，心諗唔怪得無人坐依度，個男仔主動問我係唔係好介意， 我同佢講一初真係嚇親，而家無乜野，而佢個亞媽就話，佢咁大個人如果淨係燒傷都唔係太緊要，不過佢連手指都燒傷埋，所以連食飯都有問題。原來背後仲有一個感人故事，三十年前一場火災，本來係火場個亞媽已經張個仔由窗門放佐出街，但係當時佢個仔又再爬入屋入面想去救返佢亞媽，就係咁佢個仔就燒傷佐，聽完之後，比著我，我都可能真係唔知點算！點解神會咁樣去改變一個人o既一生？定係人善人欺天不欺？我真係唔明！
有時見到呢d情形,只會心裡覺得自己原來咁好彩.如果發生在自己身上都不知如何是好.
TO:流料Roy
都唔記得問你,你依家改信什麼宗教呀?係唔係相咗耶穌,每個黎拜返教會,所以,見鬼見少咗,改變你的人生觀?
仲有,你記得睇翻,之前,果d留言,寫咗好耐,希望,你得閒時候回答.
sorry!好似好多未覆，同埋信佐神之後，真係見少佐好多！
母慈子孝, 令人感動! 如果而家母親約50歲, 30年前也就20歲左右, 個仔就更加唔知有冇10歲。
我好想鼓勵一下呢對母子, 但有時呢刻意既舉動反而會令對方更敏感。到底, 呢個注定係終生既不幸。相對地, 我地四肢建全、無病無痛, 實在太幸運了。
Roy哥,你剩係話信咗神,咁即係咩宗教呢?
eg:拜火教,回教,四面佛,真理教…等.
還是,信咗”法輪功”?
諗左好耐都唔知點寫呢個留言至好，真係講唔出自己果種心情，最終只能講一句：好感動
小白:如果你有留意Roy的網頁,佢好似係信基督的,請恕我多事了.講翻母子呢個畫面,我凈係睇Roy寫已經可以想像到當時的畫面,換著我座在他們對面一定回流淚,因為現在已流了!
我打錯字,係會流淚
每個人黎到呢個世界,都要接受神比佢既功課,點解佢既會係咁,好可能係佢前幾世唔通過呢關,所以神要再考驗佢
常聽說生命是一場障礙賽。我相信那兩母子巳經過咗關.因為他們並沒有收埋自己,怨天由人,放棄生命.而是敢於面對,甚至可以敢於說出自己痛苦的經歷.
為何是旁人代問点解?我們應該感謝神沒有給我這種障礙賽!如果是我們,我們真的沒有他們這麽勇敢吧!是嗎?
或者…從來都係無天意呢回事，45億年黎大自然對地球上的生物都係咁。”天意”、”善惡”、”報應”等，都係近幾千年黎，人類這物種發展出黎既自圓其說的邏輯。
正正因為咁，生命能活存在世上才顯得珍貴，所以我地應該尊重世界上所有生命。
我想說，就算他們沒有這故事backup，都應該要被人尊重，我地唔應該歧視任何人。