活著就係精彩 ● 流料ROY手記

我係依度呼籲各位，揾一名中國籍女子，叫梁嘉敏，洋名叫mandy leung，36歲，5呎6吋高，中等身裁，短髮，佩帶眼鏡，最後見面日期係1988年5月30號，身穿白色校服裙，當時佢留低佐本紀念冊同離開佐官塘月華街之後，就一路失去聯絡，你地係1988年5月30日期間，有無係上述地方，見過依名中國籍女子呢？如果有佢o既消息請盡快同我地聯絡。    

     coke zero 唔駛講啦，今日係百佳見倒仲有lime、cherry、caffeine free。咖啡因？唔怪得餐餐都要飲佢啦！係時侯要轉飲caffeine free！    

     一到夏天咁上下，半夜啲牛蛙係咁叫，牛蛙、牛蛙，真係牛咁叫，仔似今晚咁成班一齊叫，真係好嘈吓。咁啱啲貓今晚又叫春，真係想死！    

     咁多間翠華，我最鐘意佐敦道北海街依間，啲野食出名唔駛講，依度啲裝修好舒服，特別一提，依度啲服務一流，極之禮貌同親切，好似返佐屋企咁，今日當然食返碗沙魚湯骨底o既魚蛋魚片河。    

     聽佐成個禮拜，真係好正，又唔駛錢，又唔駛download，廿四小時任聽，不過有朋友話佢啲質素好似收音機，我就係鍾意依個味道，再加上啲舊歌又啱feel，啱晒我依啲老鬼，今日仲特登摷佐隻mono喇叭黎聽，真係越聽越好feel。p.s 唔知係唔係beta關係，每一個鐘頭就會無佐聲，要refresh先無事。    

     結婚請飲就真係去得多，次次都有新鮮野玩，除佐玩新娘同新郎哥之外，原來仲有玩埋賓客o既，不過唔係個個玩得起！本來仲要新娘子係上面，再黎個安馬斯盤旋，好在最後都係企上去啫！吓？企上去？    

     係深水埗福榮街，高登對面o既新聯豐，係出晒名o既粉麵店，其實斜對面仲有間叫英記粉麵，不過英記既淨雲吞得六粒，而新聯豐有九粒，所以我都係推介佢多啲，同埋仲有辣魚蛋同魷魚，都係我o既至愛，今次掛住食差啲唔記得影潻！    

     以前係九龍灣做完talkonly，如果要食粥o既話，就必到牛頭角九座樓下，搬佐之後，我地必到o既係旺角o既好旺角麵家，依度啲生滾粥真係一流，我o既至愛豬潤粥，白灼鯇魚皮，一試難忘，依度o既麵都好出名，不過我覺得啲麵彈過嚨，所以都係食粥好啲，有我地五個推介，唔試都去坐下。    

     有次去菲律賓宿霧旅行，係洒店附近一間雜貨鋪買茶包，入到去問個老細：do you sell green tea bag? 個老細話：green? no green, just black! 我心諗無綠茶包，唔通黑色係普洱咁意思？都好啦，好過無，我再問老細：chinese tea bag? 個老細好很定咁話：sure！also made in china，what’s size？you take one？我心諗，緊係要細包啦！要大包去賣咩，我再答佢：small size，one box，個老細話：one box？more expensive！我心諗係外國買茶包一定貴，我就話：ok，give me one box。 結果佢攞佐盒 黑色o既 T-Back 比我！  

     係旺角中旅社對面，友誼上海小館，老細話二十年前，依度出名o既真係(鹵味)，不過個師父走佐之後，就無人再整，所以而家主力係上海菜，沙鍋雲吞鷄係依度老細推介，亦係我o既至愛。P.S 依度地方比較細，成日要等位。    

     屋企除佐比較偏僻之外，仲係係山腳低窪地區，每逢落雨，啲水會冲落黎，如果黑雨就會冲埋入屋，有次黑雨返屋企果陣，一個唔覺意，就比水冲佐去，果次連牛仔褲都爛埋。      屋企有三隻狗，三隻都各有千秋，每逢落雨行雷閃電，有隻叫[吼天吠]會博命咁叫，仲係好淒厲果隻，有隻叫[程咬金]就見野就咬，最高紀錄係成張梳化咬爛，有隻叫[大力神犬]會見野就撞，最高紀錄係撞跌部34吋電視機。三隻加埋，足夠可以張我間屋移為平地。  

     係大埔中心附近o既海寶花園有好多食店，其中川滬小廚，亦係我o既至愛。依度夜晚九點半後有特價餐，飯連小食都係33元，不過都幾大碟，我一個人通常食麵多，依度有好多選擇，其中我最喜愛o既牛肉麵同鍋貼，依度o既鍋貼可以比媲同上次介紹o既鍋貼王，同樣都係要成隻啪或者用匙羹食，如果唔係流晒啲肉汁。    

     無錯，十幾年前，係高登正門電梯隔離確實係有間士多，而當時係有個亞嬸係度看鋪o既，但係點解會執佐？係因為無生意？加租？定退休？其實十幾年前一個深夜，有個看更亞叔比個賊仔當場隊呱佐，而看更亞叔，就係依間士多亞嬸個老公，個兇手到而家都未捉倒，亞嬸就好傷心離開佐依度。      每逢四月份，都好少行家會開夜，因為看更亞叔會係半夜返黎幫手巡場，而最近男廁果幾位行家都話見過看更亞叔出現。    

     今日又係深水埗做義工，當然唔係次次有飯開，幫完人地緊係要幫返自己，經過黄金附近，去佐福榮街依間街邊檔車仔麵，依間野開佐十年有多，佢無懼對面o既大家食，再過啲仲有維記牛牛麵，而佢隔離有英記粉麵同周記油渣麵。咁多間圍住佢都唔死得，梗係有佢原因，一個字形容……正！    

     有網友問我屋企天花板果一家大細蜘蛛係乜品種？品種我就唔知，相就有張清楚好多嘅！睇完之後，記得話返比我知係乜品種呀！(PG家長指引！真係好核突！)    

     原來一間別墅加三個花園，個尺價同而家係市區買層樓差唔多，都成二仟幾蚊尺，尾七果日外母燒佐好多野，有別墅加花園，有大厦，有金鑛同銀鑛，有鑛自然有庫，金庫同銀褲，車呀，船呀，飛機呀，電話呀，工人呀，司機呀……咁。燒燒下發現有部IBM Thinkpad X系列o既notebook，我問外母燒黎做乜，佢話而家興上網，咪燒部比佢o羅！我話外父唔識電腦點搞？外母……，我走佐去世界附近果間紙札鋪問有無老師賣，個老細就話唐人無晒貨要等，鬼婆講英文o既就有，要唔要吖？我就話佢唔識英文喎？老細笑一笑就話：燒埋個翻譯員咪得囉！吓咁都得！      

     舊公司係小瀝源馬安山鐵路石門站附近，有朝早返工果陣，行行下，突然好想影依倆個路牌，返到公司先發現有D唔妥。留意個影係有角既！P.S. 100% resize only！    

     有次朋友問我屋企個花園通常要黎做乜？我就好快咁答佢，要黎比D蛇呀，貓呀，狗呀，麻鷹呀，箭豬呀佢地係度hea吓！佢聽完有D懷疑o既態度，我亦明白到無親身住過我屋企，佢係唔會明o既。      

     一個平靜o既星期日早上，花園傳黎一吓巨响，一初以為有人跳樓，但係諗真除佐我樓上係無人住o既！行出花園，見倒個帳蓬穿佐個好大o既窿！眼前有隻鷄行過？！ 我發覺佢除佐識得走黎走去之外，就乜都唔識，仲同我屋企三隻狗一齊玩！我比乜佢都唔食，最後發現佢走佐去食狗糧…吓？      

     大埔廣福道，近麥當勞，有間叫鍋貼王，大大個招牌係外面，門口永遠都有人籠排隊，我平時大埔首選食店就係佢，推介招牌鍋貼，六元三隻，成隻拍入口，口爆肉汁飛射，正！仲有生煎牛肉包，同樣有肉汁內射，口感一流。三元大大個唔貴。至於油菜，真正郊外油菜，翠綠色極有口感。