《碟仙》第一回
2011年2月19日晚上7時
方海閱師傅：「最緊要有請有送……有山歸山，有廟歸廟」
司徒法基師叔：「驚就唔好玩，玩就唔好驚」
惜緣：「檯面跌落地下無人想嘅……千祈唔好同佢鬥力」
工作人員：「我會俾一份生死狀你哋簽番，等你清楚番個危險性……」
流料Roy：「係一個男人，從來唔敢入哩間房，然後消失咗」
碟仙第一回合危機一觸即發，原來碟仙，從來不止是一位！
大家唔好錯過《碟仙》第一回
香港靈異學會
從細開始我就遇上好多好多靈異事件，三十年o黎，見鬼已經成為我生活o既一部分，可以話已經o係一個習慣，以前，我只o係知道見到，但係我唔知道點解佢地會係度出現，更加唔知道佢地出現o既目的係為佐D咩??? 直到一次偶然機會，我在阿威(阿威是香港人網恐怖在線版主)介紹之下，認識到一位資深靈異節目主持edmond poon，眾所周知，edmond主持過既靈異節目長達十年之多，已佢豐富o既認知，使我知道更多關於靈體方面既事情，就因為認識到edmond之後，更認識到，卓飛同chirs tai……
卓飛同chirs倆位亦都係香港資深靈異傳媒人之一，佢地會用好科學o既角度，去解釋所有靈異事件同事物，使我更進一步了解事件既真相!!! 雖然仲有好多好多係科學上仍然未能夠解釋既事情，至少，我係佢地身上學會對靈體更進一步認識，好多謝倆位好朋友。
之後，我加入佐新mon怪談陰間電台當上主持，我再認識到巫邪，法基師叔同華師兄，仲有一班節目之中邀請到來既嘉賓師父，從玄學角度分析所有靈異事件，係中西合壁之下，使我更加深入了解靈體既存在，使我更加知道”世界之大，真係無奇不有!!!”
小第有幸參加今次香港靈異學會活動，更獲邀為學會榮譽幹事一職，內心感到興奮之餘，更得知學會內有多名骨幹成員係來自中外，有外國資深靈異調查員，有通靈師，有薩滿式祭師，有靈體分析學家等等…..希望可以透過香港靈異學會更進一步了解靈體既存在，作為求知慾強既我，對科學未能解釋既靈異現象同事物，我都好感興趣，因為仲有好多好多未能解答問題，或者可能係無法解釋既問題仍然存在……
西貢徑棚下路<黃竹洋村>探靈手記
第一次，真係第一次係香港探靈，我一直主張唔好主動去搵鬼，因為，我認為大家係唔同既空間生活，你有你既生活，我有我既忙碌，假如有一晚大家真係相遇，大家都係點下頭，之後就唔知道做咩好…….
經過西貢市中心之後就一直上山，再過九曲十三彎之後就到達，眼前係一個荒廢佐好耐既村落, 因為D報紙最近期既都係1973年，今次探靈除佐公司攝製隊之外，隨行仲有殷法青師父同埋佢一班第子，一開始佢地幫所有工作人員封身，當然包括我在內，我地成班人逐間屋入去視察下，睇下係咩環境，奇怪既係，可能人數太多，再加上人人手持一支電筒既關係，當時係咩都冇，於是，我建議將所有燈光全熄!!!
係漆黑一片，伸手不見五指既環境之下，果然係倆個世界，情況比想像中更甚，因為，真係好多來至四方八面既遊魂野鬼一一呈現眼前。
第一次比鬼嚇到腳軟，要人扶住行。第一次見到我30年黎加埋晒既鬼魂數量，實在多得有點嚇人，最深刻既係我第一次見到”山魅” 當然我唔知道同普通既鬼魂有咩分別，淨係知道當時係漆黑之下，抬頭一望，倆旁樹上掛滿廿多個全身白色，而臉色滄白既鬼魂，當時佢地係用同一個極兇惡既眼神”啤”住我地…… 情況就好似去太空館天象廳睇戲一樣，抬頭360度都係掛滿”山魅”，呢個臨場壓迫感，真係筆墨難以形容，亦係我第一次所見。
今次探靈事件上佐人生好保貴既一課，亦都係學會多一點點…..
係度要多謝殷法青師父同埋佢一班第子，佢地真係幫佐我唔少，唔係既話，今次一定出事…..
40後……
唔經唔覺，我既人生走o左四十個年頭，係呢四十年o黎真係經歷過唔少風風雨雨，有起有趺，有失有得。人生中最記得o既第一件事，就係小四o個年……
記得小學四年級o個年，當時班主任 “歐陽琬霞” 老師曾經同我講過：「你阿爸改你呢個名真係冇改錯，你真係永遠都唔會得。」就係呢句說話，我銘記於心三十幾年，又有一次係中學o既時候，中三o個年，有位教中文o既陳sir同我講過呢句話：「你出世就係多餘，你再留係呢個世上都係多餘o既!!!」 之後，我因為鍾意寫作，所以我中四o個年選修文科加中國文學，就係中國文學呢一科影響我好深遠。中五會考o個年，我中文科好用功去讀，結果我考佐8個u，我深信就算讀書唔成，只要努力一定會有出頭天!!! 唯有出黎打拼天下。
啱啱出o黎做長工，我去佐渣甸做個信差，當時人事部o既阿頭花姐，佢同樣同我講過呢句話：「你呢種8u廢柴!!! 你仲可以做得咩??? 有我收留你，你算好好彩!!! 」當然，我做o左大半年之後，我冇再繼續做落去，我去佐做電腦。廿幾年工作裡面，我做過好多工種，真係咩工作都做過晒。
最晦o既時候，我訓過街，人生第二個轉捩點，就係當時一位係人都知道佢係黐線o既黐線佬走o黎同我講 : 「哈哈！你攞住o的紙盒走o黎沖涼??? 你係唔係黐線o架??? 」我居然比一個黐線佬話我黐線，我真係好氣憤!!!
於是，我又好努力去做人人唔願做o既清潔工作，第一日出糧，我搬佐去深水埗住籠屋，即係一間屋裡面，間佐好多個近似老鼠籠咁上下，一個位再上中下三格o個種，訓覺要攬住所有o野訓，如果唔係第二朝起身，o的o野會唔知去晒邊。居住環境好惡劣，人又多，又嘈又嗅，當時，我同自己講，我唔會再訓街，我唔會再返黎呢度!!!
記得做電腦o既時候，除生同我講過呢句話：「如果環境唔許可的話，就自己去創造一個出黎，係屬於自己o既環境，用自己創造出o黎o既環境去改變人地。」呢句話使到我畢生受用，之後做地產工作o既時候，我的確搵佐好多錢，但係九七年一個金融風暴，一夜之間咩都冇晒!!! 往後，我又做過其他唔同o既工作，可能，個天要我經歷過，考驗過，先可以得到一o的o野，最終係咩??? 我都唔知道!!!
我自細就有地中海貧血病，我成日要入院輸血，阿爸因為我要好努力去搵錢醫我，因為私家醫院排期夠快，有錢就有血輸!!! 阿媽就成日要去醫院照顧我，十二歲過後，我又同自己講，我唔會再返去，我要靠自己維持同延續自己生命。
咁多年黎，我經歷過好多事，遇過好多唔同o既人，就係咁，就鍛鍊出我o既口才同對人o既處事方法…..
今日係facebook祝賀我生日o既留言超過百多個，我真係好開心，當中，有好多支持我o既朋友，有好多比信心我o既朋友，我真心要多謝您o地，只要有您o地o既支持，我先可以一步一步走出谷底，走進成功路上。
係度要多謝一些人── 多謝阿爸同阿媽帶我o黎到呢個世上，使我知道生命係咁精彩，“感激得您不放低我更維護我”
多謝家人默默支持同鼓勵，尤其是二家姐，由我細個開始就照顧我到而家，咁大個人都要妳照顧我，真係醜!!!
二哥，多謝你對我o既愛護。
suann，多謝妳多年黎o既不捨不棄，我會好好記住，有錢我會分一半比妳。
曉嵐，多謝妳o黎到呢個世上，使我知道咩叫”養兒方知父母心”
netbugs，多謝你係我最仆街既時候出手幫助我，比工作我做，我會記得你恩惠。
徐生，多謝你教識我做一個sales應該有o既態度同方向，可惜，你已經離開我o地。
修頓球場o既黐線佬，多謝你當年指住我話我”黐線”，使到激發起我努力。如果唔係，我可能仲訓梗街都唔定。
小巴，多謝你o既出現，你改寫佐我既下半生。
最後一定要多謝talkonly呢一個平台，比到我好多空間去發表我個人o既故事同經歷。
仲有一直默默支持我o既朋友們，fans們，我係知道!!!
似是而非?!
已經不只第一次發生這種事情，到現在我還是搞不清楚，現實和夢境之間的事情，而這事件發生在星期五的早上。
當日早上如常起來，記得還是很冷，喝上了一啖溫暖的蜜糖水，之後便穿上厚厚的外衣，手拿起狗繩結套落在愛犬身上，準備出外。
清晨屋外真的很冷，我如常遇上在家外工作的清潔嬸嬸，往來一句問候，之後便跟上愛犬散步，牠也如常在草地上走動，在等候牠的同時，我也遇上趕緊上班的鄰居。
回到家裡，我如常梳洗，我喜歡早上淋浴，可以話是一個多年的習慣，那熱騰騰的水，使到我頓時清醒過來，梳洗過後，便換上了衣服外出上班。
我居住的地方是比較偏遠的大埔山區，每天早上在等候巴士時間比較長時間，一般都要十五至二十分鐘，我也習慣一邊等待一邊看手機上的蘋果日報新聞，當天比較幸運的是，我只看了好幾篇幅，巴士便到達，付款之後，我走進車廂比較後段的位置坐下來，往常我會閉目養神，但不知道在甚麼時候，我睡著了……
再次起來的時候，我看到天花板，一個好熟識的地方，當時我再四處張望，心裡突如其來的不安，心裡想著 : 不是嗎??? 我怎會在這裡來??? 是真的嗎???
起來的時候，有點驚訝起來!!! 我發覺我仍然在家裡的床上，我再望望我身旁的時鐘，已經是十點許，究竟是甚麼一回事??? 現在是夢境還是真實的呢??? 我點起香煙，深深吸了一口，這個時候，我看到在書枱上的手機，突然醒悟之前在夢中我看過的新聞報導，我連忙打開查證，結果那些新聞報導如同我夢中的完全一樣，為什麼會發生這樣的事情??? 直到現今，我還是不很定是夢還是……