陰間電台 1月8日 <驚心都市:屯門恐怖驅鬼個案>

陰間電台 節目錄音

categories 新Mon怪談 《陰間電台》 | comments Comments (0)

各位觀眾4條煙!!!

有幸可以認識到呢三位奇人,我覺得都係一個緣份,記得呢段短片,我地當晚四條友拍佐成晚,大家合作上都好開心,記得我咁大個仔都係第一次化妝出鏡,所以有D唔習慣,當晚收佐jacky仔開工利是之後,就跟住導演既order拍攝,四個人當中已鬼強係最hyper,真係唔知道佢食咩大,可以hi足全晚,之後到rachel佢可能有拍開戲同電視,玩得之餘仲好搞笑,而uny個女鬼做型,再加上佢獨特行路唔到地既步姿,就真係十足十女鬼feel。

當晚我地一行四人,其實都做佐好多出位野,就好似影車頭相,係神台下搞鬼,落街燒街衣……。直到今日出街之後,效果比預期中好好,拍得好之餘,睇得出好用心去製作,當然要一讚剪片,相當出色,唔講咁多住,大家自己睇下,去片!!!

新mon怪談宣傳短片

categories 新Mon怪談 《陰間電台》 | comments Comments (1)

<有鬼>第二版,現正上市!!!

我咁多年收過既生日禮物都唔少,咁啱今個月生日,成四十歲人,第一份生日禮物就係自己既著作可以出到第二版,今日係公司收到出版社送黎呢份禮物,真係好開心!!! 辛苦多年既成果得到很定,而出面既書店亦都開始發售<有鬼>第二版,有網友問到我生日願望係咩既時候,我當然希望可以再加印第三版啦!!! 如果以而家銷售情況黎睇,由發售至今係短短四個內已經售罄,我諗應該都可以再加印第三版。

至於<有鬼2>,發售日期應該都係今年七月既書展,真係冇辦法,時間真係唔夠,日頭又要返工,放假又要係屋企洗衫執屋同放狗,星期日又要返教會同湊女…… 時間真係唔多夠用,而家晚晚連訓覺都唔多夠時間,事實上真係好辛苦,不過,每當想停落黎既時候,又諗起fans們係facebook既留言支持,即時又再次提起精神再次投入<有鬼2>編寫工作。

係度再一次多謝支持我既fans們,喜愛<有鬼>既讀者們,只要有您地既支持,再辛苦多一點,我都樂意。

categories 流料ROY手記 | comments Comments (0)

陰間電台 12月31日 <元旦=完蛋???>

陰間電台 節目錄音

categories 新Mon怪談 《陰間電台》 | comments Comments (0)

2010事件簿

各位, 2010年就快過喇, 今日係31號, 當然要寫下自己今年做過d乜同埋發生過d乜啦!!! 回顧返我既2010年上半年好似冇咩野做, 其實我係努力寫書中, 到佐下半年後, wow….. 真係忙碌又忙碌呀!!!

  • 7月份, 推出我個人第一本著作<有鬼>, 書展簽名會得到好多好友, 家人, fans支持.
  • 8月份, 香港人網恐怖在線做嘉賓, edmond幫我本新書極力推介, edmond多謝您, 著作<有鬼>正式發售.
  • 9月份, 香港新浪網<流料roy鬼話連篇>人物專訪, 訪問當日有過仟人在線.
  • 10月份, 新mon怪談陰間電台做訪問嘉賓.
  • 11月份, 新mon怪談陰間電台嘉賓主持.
  • 12月份, 正式加盟新mon怪談陰間電台節目主持, <有鬼>第二版加印中.

係2011年, 應該都會由年頭忙到年尾, 因為<有鬼>ebook版本仍在編輯中, 係有好多重未曝光既相片係ebook版本中出現, 每個星期五要做陰間電台節目, <有鬼2>都係初稿中, 仲有係洽談當中既….. 到時先同大家會報啦!!!

仲有係我想係度多謝好幾位朋友, karen wong, money, 七叔, 巫邪, edmond, 阿威, netbugs, gladys, billy, 二家姐, 細妹, jacky仔, uny, rachel, 華師兄, 師叔, melanda, miki, 阿ling, chris, 卓飛, 神婆ella……. 真心多謝您地幫忙!!!

一班默默支持我既fans們讀者們!!! 多謝您地!!!

我祝賀大家2011年, 身體健康, 人人有工開!!!

categories 流料ROY手記 | comments Comments (0)

陰間電台 12月24日 <另類驅邪 / 音樂驅邪>

陰間電台 節目錄音

categories 新Mon怪談 《陰間電台》 | comments Comments (0)

陰間電台 12月17日 <見鬼旅遊 / 年尾祭鬼>

陰間電台 節目錄音

categories 新Mon怪談 《陰間電台》 | comments Comments (0)

陰間電台 12月10日 <世界末日>

1210

世界末日 節目錄音

categories 新Mon怪談 《陰間電台》 | comments Comments (2)

新Monday雜誌 12月10日 連頁介紹 出佐喇!!!

fans們, 得閒買返本支持下我啦!!! 多謝!!!

NW_1210

p.s. 記得收聽我今晚有分主持既 “陰間電台” 今晚10:30 等埋您

categories 新Mon怪談 《陰間電台》 | comments Comments (0)

陰間電台 12月3日 <年關天劫 / 神功再來>

1203

年關天劫 / 神功再來 節目錄音

categories 新Mon怪談 《陰間電台》 | comments Comments (0)

噹噹 1996-2010

生老病死,係每個人都會必經既階段, 就算再問我一佰次一仟次, 我都會答 : 怕!!! 我真的很怕!!! 我最怕就係呢個情景。好多謝前妻連日黎對佢悉心照料, 使到佢可以過佐好多個開心晚上, 年老已至病死, 呢個係唔可以逃避既自然定律, 都成14歲, 離開係遲早既事, 希望噹噹一路好走!!! 天堂再會!!!

categories 流料ROY手記 | comments Comments (2)

離開是為了另一個開始

記得係十年前一個偶遇之下, 我加入佐”講台Talkonly”做嘉賓主持, 隨後幾年既星期五, 我偶爾都會係節目上發表下我對當時腦場既睇法同一些少為人知既腦場秘密, 更係一次報導錯誤之下, 被其中一位節目主持QA 嘲笑我放”流料”, 流料roy呢個名就係咁誕生, 06年, 我係沙田做cs既時候遇上總總事件, 發表佐”流料roy爆笑實錄” 引起各網友喜好, roller girl直到現在仍然成為佳話, 直到07年年頭我被公司裁員, “流料roy爆笑實錄” 亦告一段落, 同年, 我係一次talkonly bbq聚會之中, 我講述我多年來所遇上既見鬼故事, 眾人嘩然!!! 於是, 我再係talkonly發表佐”流料roy見鬼實錄”, 我將我三十年黎見鬼經歷分享, 即時引來各大少forum轉載, 受歡迎程度係我冇諗過!!! 往後三年, 我一共發表佐二十個故事, 2010年夏季, 我終於願望成真, 因為幾年來我係talkonly所口述既鬼故編寫成文字, 出版成為”有鬼”一書, 更在短短四個月內售罄, 駛我更努力去編寫”有鬼2″. 多年來既努力得到大家既支持同很定, 我好多謝大家!!!

當大家一睇到個標題既時候, 相信都猜疑我所講既”離開”係咩一回事, 今日, 我要離開”Talkonly”, 一個陪伴我成長既老地方, 一個熟悉既大家庭, 當中我所認識到既好朋友, 所發生既一些事情, 直到現在我仍然歷歷在目, 之前我都有提及過如果無”talkonly” 就唔會有我流料roy!!!

我現在向大家宣佈, 12月起, 我會正式加盟新mon怪談陰間電台做節目主持, 當然唔少得重有前怪談女主持rachel, 對我黎講係一個新嘗試同新挑戰, 以往在任何節目之中, 我都只係做被訪問者, 我冇諗過有一日會反過來做節目主持去訪問其他人, 對我黎講, 換個角度去做節目係一件新鮮事, 作為一個節目主持, 要平衡各方, 控制時間方面係有一定既難度, 就好似要問既問題, 以致幾時停, 幾時加入自己意見, 點樣令到聽眾投入…… 一切一切, 對我黎講都係好重要, 我希望可以用我過往做過到過既節目經驗彌補一切, 係呢對2R既組合之下, 希望可以帶比大家新驚喜.

下個月我就40歲, 作為人生另一個起步, 可能會比較遲一些, 不過, 我深信我會我可以創做另一個新高峰, 作為我人生另一個目標. 多謝大家!!!

categories 流料ROY手記 | comments Comments (0)

陰間電台 11月26日 <我係殯儀科>

NM_1126

我係殯儀科 節目錄音

categories 新Mon怪談 《陰間電台》 | comments Comments (0)

憤怒鳥

我冇諗過呢隻”憤怒鳥”係咁受歡迎, 自從我post上facebook之後, 就不斷有好多fd問我係邊度買??? 最搞野係netbugs同我講佢尋晚攞住佢去停車場之際, 有個女仔跑黎問佢係邊度買???

bird

categories 流料ROY大發現 | comments Comments (0)

11月22日, 恐怖在線節目重溫 Live Video

1122

流料ROY X 恐怖在線 (part 1)

流料ROY X 恐怖在線 (part 2)

流料ROY X 恐怖在線 (part 3)

categories 香港人網 《恐怖在線》 | comments Comments (0)

陰間電台 11月19日 <殯儀>

NM_1119

殯儀 節目錄音

categories 新Mon怪談 《陰間電台》 | comments Comments (0)

新浪網 <流料roy鬼話連篇> 有得睇喇!!!

logo_hp

流料roy鬼話連篇 (part 1)

流料roy鬼話連篇 (part 2)

特別鳴謝 james ma, 佢真係幫佐我唔少^^

categories 流料ROY見鬼實錄 | comments Comments (0)

陰間電台 11月12日 <神功 / 特異功能>

NM_1112

神功 / 特異功能 節目錄音

categories 新Mon怪談 《陰間電台》 | comments Comments (0)

陰間電台 11月5日 <嬰靈超渡>

NM_1105

嬰靈超渡 節目錄音

categories 新Mon怪談 《陰間電台》 | comments Comments (0)

人網週年聚會

啱啱去佐人網個週年聚會, 真係好多人, 無諗過成仟人一齊BBQ, 今晚好開心, 因為竟然有幾個Talkonly既聽眾係度, 佢地都問到, 如果有日talkonly聚會都有反咁上下人就好喇!!! 我唔知道將來有冇呢一日, 不過上次十週年聚會都有五,六十人都好好啦!!! 網友再追問我地幾時會再搞聚會, 我心諗應該會係好多年之後既事.

講返人網, 竟然有人認得我係流料roy, 我心諗比起恐怖在線既其他嘉賓, 我只係上過兩次做訪問 真係唔多, 自問又冇其他嘉賓咁爆, 都有人認識我, 我當然開心啦!!! 好多謝阿威, 係佢介紹edmond比我認識, 之後, 我就好欣賞edmond做主持既風格同態度, 真係好專業!!! 所以恐怖在線收聽率一直高企係有原因, edmond真係一個不可多得既人才, 我亦要多多學習.

今日都認識唔少恐怖在線猛人, 就好似BBG同地產均, 真係好堅!!! 佢地D經歷都比我重要多, 正所謂一山還有一山高, 相比之下, 我更覺自己好渺小, 之前有網友話我係一個講故佬, 我覺得我重有好多地方要進步, 仍有好多不足之處, 今晚, 我又上佐我人生寶貴既一課.

categories 流料ROY手記 | comments Comments (0)