今朝訓醒果陣, 行出門口準備放狗果陣見倒村長, 佢同我講豪哥前晚走佐, 我聽倒之後, 我仲以為自己仲未訓醒, 緊係仲發緊夢, 豪哥係我識佐十幾年o既鄰居, 就正正住係我隔離, 佢生性比較孤癖, 十幾年黎我都係未聽見過佢提及過屋企人, 淨係知道佢有一個細妹, 唔好講屋企人, 佢連朋友都唔多個, 十幾年黎都係見過一次有朋友探佢.
最近, 我搬返大埔果陣, 我間中都有撞見佢, 但係我感覺唔同佐, 我每次見到佢都係好唔開心咁, 好似心事重重咁, 好幾次我都有問佢野, 但係佢一直都係採取迴避態度, 當時, 我都的確忽略佐依一點, 身為鄰居都唔好好去關心下佢, 記得前妻同我講過佢之前唔係咁既人, 一個好開朗又樂於助人既有為青年, 至於會轉變成今日, 大概應該係十幾年前既一宗交通意外, 當時, 豪哥係做中港司機, 有次係大陸比賊人預備好o既陷阱加害, 全車貨物被賊人洗劫之外, 最後仲要經過多次手術先至得以保命.
記得, 我認識佢果陣, 佢都係依靠拐杖走路, 一個人好唔容易生存落黎, 好多認識佢既鄰居都話佢生命力好強, 屋企以至工作都係佢一個人去面對, 佢o既鬥志的確比任何人強, 依點, 我都好佩服佢, 咁難既難關都可以闖過, 點解今次會一去不返??? 我都唔明白……….
豪哥, 希望你安息, You’re Not Alone