市場o既成交價一日低過一日, 今日成交佐個港景峰2座低層a單位, 面積1260呎, 連租約成交價係 985萬, 7仟幾蚊呎買港景峰2座大單位, 仲要係全九龍公園景, 真係一個神話, 中層有個別叫價係 1200-1300萬, 高層更加要 1500萬以上, 市場上已經有小業主頂唔住損手離場, 其實…我講既唔係成交價, 而係成交量, 由上年全九龍站每個月過佰宗成交, 到上個9月份, 得14宗成交, 再係咁趺落去, 好多代理公司會出現大裁員, 縮減分行數目, 早倆日, 中原施永青話過, 黎緊要行精英制, 冇生意o既team同分行冇得留低, 目標係張而家一仟間分行, 縮減為五佰間, 估計大約有仟五人會離開依個行業, 唉……我咁難得有工開, 而家又要面對新一輪淘汰賽, 真係要加陪努力, 我都希望可以渡過.