活著就係精彩。流料ROY手記

     係我未做地產之前, 其實我見過好多工, 有d係同電腦有關, 有d係其他sales工作, 結果都係……梗係唔成啦!!每次見工, 大家都知道, 我梗係唔會放過! 表現梗係最好, 又唔知點解, 次次見工都係有secound interview, 最終……都係話我一係年紀大, 一係學歷唔夠…..唉! 讀書唔成就會好似我咁, 唔上又唔落, 都唔知點好, 記得, 最後見個份係”見習初級文員” 即係office boy, 亦即係阿四, 心諗人工6000, 寫明中五程度, 初級文員仲要係見習果隻, 一定實食冇黐牙啦! interview果陣, 點知佢比個信封我睇, 叫我講出上面果個英文地址, 心諗……ha! 咁都難倒我? 唔會呱, 世事就係咁格啦, 我真係唔識!!! 到佢叫我返屋企等消息o既時候, 我真係成個人呆佐, 呆..係點解我會唔識? 到我行到落去樓下個陣, 咁啱又係放工時間, 我就好似 鄭中基果首”人若然忘記了愛”o既mv咁, 條街好多人係我後面行黎行去咁, 但係..我真係唔知做乜……………

This entry was posted on Sunday, October 5th, 2008 at 1:19 am and is filed under 流料ROY手記. You can follow any responses to this entry through the RSS 2.0 feed. You can leave a response, or trackback from your own site.