活著就係精彩。流料ROY手記

     一直以黎, 我依生人有好多決定都係錯誤, 有時, 我甚至認為我o既生存係錯o既, 可能出世到而家, 所做, 所想同決定, 都係錯o既關係, 最近, 我又再一次做錯佐, 一個唔可以彌補o既錯誤決定, 一初, 以為仲可以挽救, 原來, 做錯佐係唔可以返轉頭, 一生人可能得一次機會, 冇佐就係冇, 唔好諗住再有下次, 所以, 大家每當去決定一樣事情果陣, 要好好咁諗吓, 可唔可以承受到最終帶黎o既結果, 真係要停一停, 諗一諗, 唔好好似我咁, 後悔莫及.

     今日個股市又跌八佰幾點! 好多人已為襯低吸納, 仲有好多人溝貨, 以為博返彈, 不過低處未算低, 九龍站今日成交呎價又創新低, 我同個老朋友傾過, 佢係股票市場縱橫四十多年, 佢都話咁多次股災, 沙仕都未驚過, 但係今次美國依個次按風暴, 真係唔講得少, 係全球性問題, 佢已經係上年十月份, 放晒d股票同物業, 揸cash好過, 佢朋友都話佢傻, 有得賺唔賺盡去, 需然當日佢的確係賺少佐好多, 但係對比佢個朋友o既今日, 真係好彩好多, 係賺少佐, 但唔係蝕本濺賣, 大家信定唔信就自己去諗嘞, 我講o既始終都係預測, 將來係點冇人知, 黎明前係最黑暗o既, 不過唔知要等到幾時先至有曙光?

     市場o既成交價一日低過一日, 今日成交佐個港景峰2座低層a單位, 面積1260呎, 連租約成交價係 985萬, 7仟幾蚊呎買港景峰2座大單位, 仲要係全九龍公園景, 真係一個神話, 中層有個別叫價係 1200-1300萬, 高層更加要 1500萬以上,  市場上已經有小業主頂唔住損手離場, 其實…我講既唔係成交價, 而係成交量, 由上年全九龍站每個月過佰宗成交, 到上個9月份, 得14宗成交, 再係咁趺落去, 好多代理公司會出現大裁員, 縮減分行數目, 早倆日, 中原施永青話過, 黎緊要行精英制, 冇生意o既team同分行冇得留低, 目標係張而家一仟間分行, 縮減為五佰間, 估計大約有仟五人會離開依個行業, 唉……我咁難得有工開, 而家又要面對新一輪淘汰賽, 真係要加陪努力, 我都希望可以渡過.

     係我未做地產之前, 其實我見過好多工, 有d係同電腦有關, 有d係其他sales工作, 結果都係……梗係唔成啦!!每次見工, 大家都知道, 我梗係唔會放過! 表現梗係最好, 又唔知點解, 次次見工都係有secound interview, 最終……都係話我一係年紀大, 一係學歷唔夠…..唉! 讀書唔成就會好似我咁, 唔上又唔落, 都唔知點好, 記得, 最後見個份係”見習初級文員” 即係office boy, 亦即係阿四, 心諗人工6000, 寫明中五程度, 初級文員仲要係見習果隻, 一定實食冇黐牙啦! interview果陣, 點知佢比個信封我睇, 叫我講出上面果個英文地址, 心諗……ha! 咁都難倒我? 唔會呱, 世事就係咁格啦, 我真係唔識!!! 到佢叫我返屋企等消息o既時候, 我真係成個人呆佐, 呆..係點解我會唔識? 到我行到落去樓下個陣, 咁啱又係放工時間, 我就好似 鄭中基果首”人若然忘記了愛”o既mv咁, 條街好多人係我後面行黎行去咁, 但係..我真係唔知做乜……………