引水道

     依件事係發生係93年尾,當時朋友介紹下去引水道做執垃圾所發生o既鬼怪事…… 流料ROY見鬼實錄(聲音版)  

一見發財

     依件事係發生係89年,當時朋友介紹下做地盤果陣,同事係一次工業意外中死亡……  流料ROY見鬼實錄(聲音版)  

交通意外?

     依件事係發生係小六o既時候,每逢暑假,我都會去姨媽屋企住,新年過後,因為屋企有事發生,所以我搬佐去姨媽果度暫住,姨媽一家係住係屯門碼頭,某一個私人屋苑,有晚我沿住馬路行返厔企,行行吓,我見倒無幾遠有個人係度截車,我心諗:咁夜係度截車,邊度有的士停比你,話口未完,有架私家車,好快咁從我身後面經過,係我面前失控撞落依個人度,係依個時侯我大叫,唔知點算好,仲好驚!      無幾耐,有兩架私家車經過幫手救人,再過多無耐,警車同十字車到場,當時我行到意外現場,差人問有無人見倒事發經過?我就話我當時見倒佢好高速咁撞佐埋個人度,差人又問:人?乜人?係邊度同點o既樣?我話:我當時見倒有人係度截車,無耐依架車就撞佐埋去,之後果倆架私家車先至到現場,個差人聽完我講之後,就神色嚴重咁,同其他伙記講話:應該仲有個傷者,其他人聽完後就繼續去搵,而依個差人就繼續問果倆個私家車司機,佢地都話除佐見倒依個撞車司機之外,就無見過其他人。而另外幾個差人都搵唔倒我話果個傷者,個差人再走黎問我話:細路,你係唔係眼花睇錯,依件事可大可少,唔好玩喎!嗱你講大話o既話,我地會搵你亞爸亞媽黎問話,到時就唔係玩啦!最後,都係搵唔倒我話個傷者,而我就返佐屋企。      返到屋企樓下,見倒看更亞叔,我同佢講話出面有交通意外,我睇住有個人比車撞倒,但係又搵唔倒果個人,真係奇怪!看更亞叔聽完之後,就同我講話:唔會掛,點會有依啲野發生,亞細路,唔好亂諗野,咁夜,快啲返屋企,亞媽掛住你。亞叔講完之後就幫我襟lift。      第二朝訓醒,我同姨媽講返尋晚交通意外單野,樓下個亞叔仲話點會有依啲野發生,姨媽好奇咁問:樓下個亞叔?邊個亞叔呀?我就話:咪樓下個看更亞叔囉!姨媽就話:聽街坊講,樓下個看更亞叔,新年返鄉下果陣,比車撞死佐,你點會見倒佢呀!而家頂更果個,我見過係後生仔黎喎!係依個時侯,擦緊牙o既表哥,衝佐出黎打電話比佢朋友,佢話:喂,亞王,我尋晚飲醉洒果陣,係咪你地送我返黎呀?亞王:係呀!不過,去到你屋企樓下,個看更亞叔話知你住係邊,跟住佢咪送佐你返屋企囉!你無野呀?     

露營

     廿幾年前,參加佐童軍七十五週年大露營,發生鬼怪事……  流料ROY見鬼實錄(聲音版)  

汀九

     中三果年,成班同學一行十五人,去佐汀九宿營,一個自命天不怕,地不怕o既同學,係今次旅程中發生好多怪事,而最後…… 流料ROY見鬼實錄(聲音版)  

父子

     96年,我同女友去曼谷旅行,架飛機途中機件故障,要係清邁降落轉機,再由清邁轉內陸機去曼谷,晚飯後,去佐金佛寺附近一檔占卜,睇相佬話我……  流料ROY見鬼實錄(聲音版)  

Upgrade味必好!

     有次去泰國清邁旅行,揾佐間比較舊式三層高o既酒店,對住好大個椰樹林同埋好大個草地。入到房,第一時間擺佐個袋係張床度,跟住走去拉開個窗廉,正想推開個玻璃窗之際,我見倒有隻手掌咁上下大、全身都係毛o既蜘蛛係度,我當時嚇佐一跳,跟住走佐出去揾人黎,行到去房門口見倒個侍應,我指手畫腳之下,叫佐個侍應入去check吓,佢唔知我講乜又一頭霧水咁,走佐去個窗廉度拉吓又拉吓,佢回頭示意無野之際,隻蜘蛛跌佐落佢隻手度,佢當時望吓隻手,又望吓我, 我就緊係[契弟走得嚒!],記憶中,我以前跑100米只係4秒,今日仲快!不過個待應快過我!      係大堂坐低果陣,見個侍應嚇到D頭髮豎起哂,最後upgrade佐三樓比我!入到房度,又係擺佐個袋係張床度,跟住走佐出街行,行完街返黎,見倒個袋係地下度,心諗:唔係呱,依間野啲冶安好差,應該有人入過黎,好佐無貴重野係度,係房執好啲野跟住去佐食晚飯,食完飯返黎,一開門就見倒啲野成地都係,個袋又係係地下度,我就走去投訴,當時佢地話,聽日先有房換比我,我唯有住住先!      臨訓前,我走佐去冲凉,由細到大,我冲凉都係要用好熱o既水先舒服,今日都唔例外,成個浴室都係蒸氣好大煙!係依個時侯,我聽倒有手指甲抓玻璃聲,好大聲仲好刺耳吓,我嚇佐一嚇,拉開浴廉望吓,見倒塊濛渣渣o既鏡有五隻手指痕係度,我仲驚,嗱嗱林走去開門走人,我法覺度門開得好少,好似有野咔住咁,每次拉開大約一吋倒,一放手又閂返埋,一拉開又閂埋。心諗:我執埋啲就走啦!度門果然開倒,一開門之際,望見個衣櫃塊鏡返射張床上面有個白衫好長髮o既女人坐佐係度,我就嚇到走佐去房門開門走人,開門之際,又好似頭先咁,開得好少,放手又閂返埋,我當時講話:依度我唔訓啦!結果開倒門走人。  

行得快,好世界?

     有一次朋友新牌落地,佢借佐架車出黎,約佐我去遊車河,當時我係沙田做酒店o既關係,收工果陣都12點,我地週圍兜,最後去佐西貢,係西沙公路,我地唔熟路,新牌仔70公里唔大快!太約過佐西沙茶座無耐,我同朋友見倒遠遠好似有個女人係度揮手,但又唔係太清楚,我問朋友,朋友就話:咁夜一個女仔係度截車,應該有事,我就話:唔係喎!夜麻麻依個時侯同依D地方截車,緊係有問題啦!唔好話乜野先,如果佢係有同黨係附近,停車比佢咪好危險?如果係人都唔緊要,如果唔係…仲大劑!朋友話:依度一眼睇晒邊度有其他人?你咁驚,依度有本聖經你揸住佢。      朋友講完之後就駛到埋去,係依個時侯,遠遠後面有光射過黎,我同朋友望望倒後鏡,發現一架寶藍色o既skyline係好快咁係我地隔黎飛過!當架skyline飛過後,我地再望望個女仔已經唔見佐,正當我地週圍望之際,遠處傳黎好响o既煞車聲,朋友即刻開車上前睇吓乜事,去到果陣,架skyline果然撞佐,朋友打電話報警果陣,我見倒有個女仔企佐係個司機位隔離,再望真D,仲有一個男既係個女仔隔離。第二朝睇報紙話個司機當場死佐!      大半年後一個晚上,女友同班friend約我去西貢BBQ,本來約埋依個朋友一齊去,佢公司臨時有事所以遲D黎,我唯有一個人搭小巴入去,上到車有倆公婆同個細路女一齊坐,後面有一對男女,再跟住有倆男倆女,而我就坐佐係最後面個單坐位,開車果陣突然落大雨,行到去西沙荼座過後無耐,因為整路,所以要改單程行駛,而架小巴就停落黎,我週圍望之際,我見倒前面無幾遠有一男一女係度揮手,我當時嚇到垂低頭唔敢望,無耐就開車,仲開得好快,垂低頭之際,我垃倒隔黎個孖位,坐佐人係度,印象中,上車果陣係無o既!無幾耐我地架小巴就撞佐。      第二日係醫院果陣,睇新聞先知尋晚車禍死佐倆個人……  

頭七

     我之前講過,我以前屋企係係官塘得七層高o既廉租屋,返屋企要行樓梯,同廁所係出面果種。18歲果年搬佐出去之後就好少返屋企訓。      有晚返屋企,大約12點鐘倒,我係住六樓0既,行到上六樓o既時侯,我見倒有個婆婆係六樓同七樓梯間,我認得佢,佢係住樓梯口第一間屋o既,印象中亞媽同我講,佢係有老人痴呆症,我走上去同佢講:亞婆婆,妳行過隆啦!咁夜你唔叫個仔黎接妳既?佢聽佐之後,就行返轉頭,跟住我行。      我帶佢行到轉彎o既時侯,見倒佢門口有個鐵筒,裡面有啲燭光,起初無為意,行到佢門口果陣,見倒個筒裡面係支白爉燭,個心一寒,電話突然响起,亞媽打黎:衰仔咁夜仲唔返黎?想死呀,一係早啲,一係遲啲,點都唔好而家返呀!收佐線之後,亞婆婆唔見佐,跟住一陣寒風吹過,又係契弟走得嚒!       走到返屋企,亞媽問我有無啲乜野呀,我話可以有啲乜野?佢就話:梯口個亞婆死佐,今晚頭七,應該依個時侯咁上下返,之前廟祝公話過你睇倒果啲野,我都係擔心你啫,你真係無野呀?我聽完之後,對脚係咁震之下,走佐去換衫冲凉。亞媽仲話佢生前係比佢個仔同身袍害死o既,有病都唔帶佢去睇醫生,就係咁病死佐!所以佢個仔同身袍驚到唔敢返黎,門口個筒同爉燭呀!都係我去買。      我一路冲,一路開大啲熱水,都仲係好凍,成身係咁震,冲完凉就走上床訓,半夜我擇醒佐,望望個鐘係零晨四點鐘,我見氣窗外面好大煙,一初以為火燭,我即刻大叫火燭,但係全屋人無返應,再望真啲,啲煙係係氣窗外面飄,入唔倒黎,最奇怪係點解啲煙無味o既?係依個時侯,我聽倒有鐵鍊係地下拉動o既聲,由梯口果面拉緊過黎,我再係氣窗度望落去,見倒白煙中亞婆比野拉住行過。  

勇闖十八層!

     再次訓醒果陣係醫院,無錯的確係醫院,見倒有個醫生同我亞媽係度傾野,醫生:太太,你個仔尋晚燒到105度,又抽筋,都見佢好危險吓!好在今朝退返燒,而家醒返,都好好彩o羅!等包鹽水吊完就走得啦,晏D姑娘會幫佢做檢查,下次發燒早啲睇醫生呀,唔係次次咁好彩…亞媽:多謝亞醫生,真係好人呀。醫生走佐之後,亞媽係度講:亞廟祝公都唔知搞乜?等我再去問下佢先,我心諗搞成咁仲信佢?唔係嘛。      醫院真係好,有韓式石頭飯供應,我都叫佐個。黎到果陣,韓式就無,亦都唔係用石頭煮,而係啲飯硬過石頭,仲有果11條所謂豆角,一支支可以棟係度要黎起樓都仲得。眼見個鹽水袋滴吓滴吓咁,唔知滴到幾時,去厠所又要拉住佢,真麻煩,隔離床個哥仔就好啦,可以走黎走去,唔知佢乜事入黎依度呢。 晚餐仍然有石頭飯供應,不過係中式o既,我無叫石頭飯,反而叫佐個粥,不過係用紅米煮o既,黎到果陣比想中好,起碼唔係石屎,而係紅毛泥!      醫院九點鐘就要熄燈訓覺,經過上次週圍望o既教訓,我决定揾張柀笠住個頭訓。夜深人靜o既晚上,我比啲聲嘈醒佐,聽真啲係脚步聲,好似行緊過黎,唔係嘛又黎,拉高張柀少少,真係見倒有個白色o既野行緊過黎。好快佢走佐去我另一面,點好呢?依個時侯佢伸入黎捉住我,我就成個人彈起佐,望見原來姑娘見我包鹽水滴完幫我拆佐條喉啫,真係嚇死! 都好既唔駛就住黎訓。      濛濃中,聽倒有人好似叫我!喂…喂…我望一望原來係隔黎床個哥仔,我問佢乜事,佢話有地方帶我去玩下,吓…夜麻麻走去玩你真係無病話,佢又話:咁大個人,生人唔生胆,係咪男人黎o架!我最真係比人話我似女人,好!就憑你依句,我睇下你帶我去邊。倆條友竄佐去後樓梯度,佢同我講,話沿住依條樓梯行落去會去倒停屍房,唔係嘛,啱啱先好啲又玩啲咁激o既野,我都係走人…哥仔話:你係咪女人先,黎到依度先縮沙?      倆條友果然沿住樓梯向下行,一路行,一路望,其實我唔係好記得我本身住係邊層,大約好似係12樓咁上下,我同哥仔都行佐十幾層樓都未到,係依個時侯,轉彎見倒有度門,門上面有盞紅燈,唔通依度係停屍房?哥仔豪不猶豫咁推開度門,我隨後跟上,門後面又係樓梯,不過比之前陰深好多,倆條友仍然行落去,沿住樓梯行,我一路行一路心數,我同哥仔講好似有啲唔對路,頭先行佐十幾層,而家又行十幾層,會唔會唔啱數?成幢醫院好似加埋都無咁多層,望落去好似仲有好多層,我地都係走吧啦!哥仔就話:我一早都發覺唔對路,你講起又好似係…      倆條友沿住樓梯向上行,越行越快,越走越快,卒之走返去自己果層,推開門見倒姑娘,依果時侯要講聲我愛你,姑娘話:你個衰仔成晚走佐去邊?等我地週圍揾你,嚇親我地!唔好話妳,我正話都嚇親自己,我第一時間跳上床度大被笠頭訓覺。      第二朝訓醒,醫生話我可以出院,等亞媽黎接我。我望望隔離床執得好整齊,我問姑娘個哥哥仔係咪出佐院,姑娘指住張床話:依個床位果個細路?咪係你黎之前果晚肺炎發高燒死佐啦!  

弊家狄!TUNE正佐?!

     有人話,每個人都有部內置Tuner,見唔見倒鬼,要睇部Tuner收得好唔好。有啲人一世見唔倒,可能個Tuner收唔倒,什至壞佐!有啲人Tune唔正,什至收唔清,所以淨係見倒鬼影!本來收得唔好o既我,比廟祝公Tune返正!      又係孟蘭節既晚上,我之前講過,住依度有樣唔好,就係廁所係外面,走廊o既盡頭,人有三急,何况開大,都要去。咁多格廁所都係靠外面一盞燈頂住,廁格裡面係無燈既,閂埋門就乜都黑晒!其實我都好想快啲去完,緊張得濟咔住佐,係依個時侯,我見倒有個黑影係門下面條隙度行過,無耐又行返過黎,來回幾次,我開始好驚,因為我離度門好近無埋由聽唔倒脚步聲,甚至乎乜聲都無!突然隔離傳黎冲廁聲,心諗應該有人係其他廁挌,襯住依個機會走人,一、二、三開門走人之際,妾眼見倒最後廁挌果度,有個紙紮公仔由下面門隙入緊去,唔係,應該係尋晚果個童女紙紮公仔至啱,今次真係…契弟走得嚒!…印象中100米紀錄要9秒9,我諗我4秒就跑完!      返到屋企亞媽問我做乜,我就嚇到出唔倒聲!跟住個人好眼訓,好想訓。半夜訓醒,個人好辛苦,額頭比冰袋包住,個人好似好重咁,但係又唔知做乜咁,眼見亞媽訓佐係隔離都安心啲!望望下天花板,又望下個窗口,再望返度門,吓…唔係掛,個童女紙紮公仔係門上面條隙度入緊黎,我大叫又拍亞媽都無返應,眼見佢好似紙咁係天花板飄吓飄吓咁,今次真係嚇到唔知點好!      再訓醒o既時侯,迷糊中,亞媽好似孭住我跑緊,無錯係跑緊去醫院,母愛真係偉大,週圍好似好多人咁圍住我!我又再一次訓佐。(待續)  

廟祝公…好野!!!

     細個果陣,住係官塘新村,無乜人知,好少人到o既地方,一個得七座、七層高o既廉租屋村,又要行樓梯、厠所又係外面,我就係住係第四座,無野睇,因為對住座石山。五歲果年,盂蘭節果晚,跟亞媽落街燒街衣,一路行,一路見倒D半透明o既細路企佐係度,望住果半隻鷄,一初有啲驚,拉住亞媽褲脚一路行,行行下,二佬走埋落黎,話一齊走去球場排隊攞米,一手就拉佐我去,球場有一度放佐一對童男童女,我行過果陣見倒佢笑,我問亞哥,亞哥一於少理拉走我,攞完米之後返去搵亞媽,二佬就返佐屋企,見亞媽攞啲錢灑落地下,跟住有倆個細路係路邊跳佐出黎執,我同亞媽講,亞媽話…吓?!     第二日放學,亞媽帶佐我去鷄寮半山亞廟祝公度,亞媽一五一十講比廟祝公知,廟祝公就…唔佐一聲,走佐去攞佐啲吾知乜野係我面前燒,一路燒一路講,燒完之後,亞媽仲比佐封利是佢,廟祝公一路話吾好就一路揸住吾放,仲叫亞媽多啲黎比香油錢,亞媽就好開心帶我返屋企。     行落樓梯途中有人跳摟,亞媽話唔好睇,快啲走,當時未有人到場,得幾個人,我就見倒有個人訓佐係度,望返上去,又見倒有個一模一樣既男人(同訓係度果個D衫褲一樣)係樓上企係度,我覺得好奇怪,又係拉住亞媽褲脚行返屋企。(侍續)