噹噹 1996-2010

生老病死,係每個人都會必經既階段, 就算再問我一佰次一仟次, 我都會答 : 怕!!! 我真的很怕!!! 我最怕就係呢個情景。好多謝前妻連日黎對佢悉心照料, 使到佢可以過佐好多個開心晚上, 年老已至病死, 呢個係唔可以逃避既自然定律, 都成14歲, 離開係遲早既事, 希望噹噹一路好走!!! 天堂再會!!!

離開是為了另一個開始

記得係十年前一個偶遇之下, 我加入佐”講台Talkonly”做嘉賓主持, 隨後幾年既星期五, 我偶爾都會係節目上發表下我對當時腦場既睇法同一些少為人知既腦場秘密, 更係一次報導錯誤之下, 被其中一位節目主持QA 嘲笑我放”流料”, 流料roy呢個名就係咁誕生, 06年, 我係沙田做cs既時候遇上總總事件, 發表佐”流料roy爆笑實錄” 引起各網友喜好, roller girl直到現在仍然成為佳話, 直到07年年頭我被公司裁員, “流料roy爆笑實錄” 亦告一段落, 同年, 我係一次talkonly bbq聚會之中, 我講述我多年來所遇上既見鬼故事, 眾人嘩然!!! 於是, 我再係talkonly發表佐”流料roy見鬼實錄”, 我將我三十年黎見鬼經歷分享, 即時引來各大少forum轉載, 受歡迎程度係我冇諗過!!! 往後三年, 我一共發表佐二十個故事, 2010年夏季, 我終於願望成真, 因為幾年來我係talkonly所口述既鬼故編寫成文字, 出版成為”有鬼”一書, 更在短短四個月內售罄, 駛我更努力去編寫”有鬼2″. 多年來既努力得到大家既支持同很定, 我好多謝大家!!! 當大家一睇到個標題既時候, 相信都猜疑我所講既”離開”係咩一回事, 今日, 我要離開”Talkonly”, 一個陪伴我成長既老地方, 一個熟悉既大家庭, 當中我所認識到既好朋友, 所發生既一些事情, 直到現在我仍然歷歷在目, 之前我都有提及過如果無”talkonly” 就唔會有我流料roy!!! 我現在向大家宣佈, 12月起, 我會正式加盟新mon怪談陰間電台做節目主持, 當然唔少得重有前怪談女主持rachel, 對我黎講係一個新嘗試同新挑戰, 以往在任何節目之中, 我都只係做被訪問者, […]

人網週年聚會

啱啱去佐人網個週年聚會, 真係好多人, 無諗過成仟人一齊BBQ, 今晚好開心, 因為竟然有幾個Talkonly既聽眾係度, 佢地都問到, 如果有日talkonly聚會都有反咁上下人就好喇!!! 我唔知道將來有冇呢一日, 不過上次十週年聚會都有五,六十人都好好啦!!! 網友再追問我地幾時會再搞聚會, 我心諗應該會係好多年之後既事. 講返人網, 竟然有人認得我係流料roy, 我心諗比起恐怖在線既其他嘉賓, 我只係上過兩次做訪問 真係唔多, 自問又冇其他嘉賓咁爆, 都有人認識我, 我當然開心啦!!! 好多謝阿威, 係佢介紹edmond比我認識, 之後, 我就好欣賞edmond做主持既風格同態度, 真係好專業!!! 所以恐怖在線收聽率一直高企係有原因, edmond真係一個不可多得既人才, 我亦要多多學習. 今日都認識唔少恐怖在線猛人, 就好似BBG同地產均, 真係好堅!!! 佢地D經歷都比我重要多, 正所謂一山還有一山高, 相比之下, 我更覺自己好渺小, 之前有網友話我係一個講故佬, 我覺得我重有好多地方要進步, 仍有好多不足之處, 今晚, 我又上佐我人生寶貴既一課.

給讀者們的信

大家好 最近收到有好幾位讀者們既email, 大家都好關注到<有鬼2>幾時可以出版, 首先真係好多謝大家關心同喜愛我既作品, 至於<有鬼2>最快都要到明年四月打後才可以出版, 我已經連夜趕工, 當然我日頭都有自己既工作, 係唔影響到我日常工作同個女之下, (我都要抽d時間同個女去玩下架!!!) 所以係有限度時間內完成係一定有相當困難, 現階段仍然係初稿之中, 之後仍然要做修改, 我出名係叫錯字王, 之後重要比人執錯字, 我諗今次比上次好, 因為經過之前比人話完之後, 今次明顯地係有所改善. 其次係網友問到幾時再有機會上恐怖在線及陰間電台, 其實我想講既係我原原本本既我係來自talkonly已經07年既事, 我係講開始講鬼故時間, 3年黎都講佐大約20多個故仔, 而<有鬼>書中九個故事係其中一部分, 而家編寫中係其餘7個故事再加2個新故事,  之後就完成晒我所有故事, (可以放返個大假^^) 就因為係最終回, 所以唔可以是是但但咁寫, 我之前承諾過<有鬼2>內容更精彩更震撼, 我更加唔可以令讀者失望, 希望大家耐心等候, 就係呢個承諾, 駛到我有所壓力, 壓力係來自自己, 每晚都會諗吓點樣可以突破, 故事內容編排等等…… 至於<有鬼>銷量比預期中好, 各大書店曾經有斷貨情況出現, 呢樣我之前係冇諗過, 一心只係為自己理想而努力, 最後得到讀者支持, 係度, 我再一次多謝大家支持!!! 好快, 我又會係網上同大家見面, 因為重係初商階段中, 一有結果我會同大家講, 我亦期待有好消息, 更希望我既作品有更多人認識. 最後, 出書係我既理想, 我最終既夢想係可以將<有鬼>搬上大銀幕, 我知道前面重有好多路要走, 應該會好崎嶇, 但係我唔怕, 30年黎我都遇上唔少錯折, […]

鮎魚

我係香港生活佐都足足39年, 印象中, 只有一次打風係比較深刻, 都成三十幾年前, 記得當時我同屋企人係住係官塘區七層高既廉租屋, 屋企係面對住坐山, 當時打十號風球, 阿爸同媽都忙於整理防風準備, 因為如果大家有見過呢種廉租屋既話, 可能大家都會明白, 因為係只有一個工作用既”騎樓”, 亦即係向街果面有一半地方以上係冇遮掩既. 每逄打風落雨都要架起”帆布”黎抵禦風雨, 記得有次十號風球之下, 第一次感受到驚惶失措, 因為風向實在太大, 而我係隙縫之間望出街外, 山上整棵大樹連根拔起被吹到山下去, 更有隻白鴿被風吹到返反轉黎飛, 情況就好混亂之餘, 阿爸媽亦狼狽不堪, 因為”騎樓”經已”水浸”, 大家要盡快把水掃走, 如果唔係既話, 雨水會灌入屋內. 時至今日, 當然, 我再冇遇到當年既情況, 但講起颱風<鮎魚>佢已經增強為超級颱風, 我呢幾日都有忐忑不安既感覺, 而呢個感覺就好似當年兒時既感覺更強烈, 有過之而無不及, 覺得好似將近有大事發生, 希望我既不安只係個人問題, 我亦唔希望會有咩大事發生……

<有鬼>新貨已到^^

多謝大家支持,新書<有鬼>之前斷佐貨,而家新貨已係三聯,商務同大眾繼續發售,多謝大家一直支持我!!! 我會繼續努力!!! <有鬼>ebook版本,即將上市!!!

陰間電台後記……

上個月我收到陰間電台來電, 談話之中知道, 知道佢地會係10月分做一個一連四集 “靈界傳媒人” 專訪,仲邀請我做其中一集既嘉賓,我聽到之後,當然好開心啦!!! 咁出名既新mon怪談,所以我就應邀出值呢個訪問。 係呢個月以黎,我同無邢經過多次電話傾談,發現佢地做事真係好認真,我第一次見節目係有run down,因為以往上恐怖在線,都係即慶,唔駛對稿,有好有唔好,唔好處係成個節目要跟住個run down去做, 可以話係冇咁free, 因為我已往做講台talkonly都係free style,我諗到就講,習慣佐呢個模式,當然次次都over run,今次跟住run down黎做,所以時間同預期中一樣,對我黎講因為要就住d時間關係,所以講講下就要停又到第二個topic,希望唔會影響到對聽眾們既收聽。 多謝無邪同uny兩位主持,同您地合作都好開心,仲有係法基師叔真係好nice,如果可以同你同台做一次節目,我諗可能會擦出新火花!!! 有幸陰間電台邀請我做今集既嘉賓,駛到多佐好多聽眾們認識到我,當然重有我既新書,多謝大家支持同收聽,更震撼既仍在編寫中……

talkonly 十週年喇!!!

正所謂冇talkonly就冇我,呢句話係千真萬確! 記得十年前我仲係《專業魔術》做門市sales既時候,撞見一個好多年冇見既好朋友「小巴巴」,講起「小巴巴」我就諗返起當年92年係旺電同老胡同柏直合作搞佐三間電腦鋪,一間係賣mac機既,記起powerpc夠晒經典!talkonly既占占,就係我地其中一位伙記,而315就係其中一間,當年係旺電三樓死角位開佐呢一間鋪頭,專係走超高檔路線,有幾高檔?當年大家賣緊486 dx同vl-bus之際,我就第一個引入intel overdrive 60 同 pci 黎衝擊一下個腦場。結果係點?當然係overdrive加pci 大獲全勝,如果唔係今日仲點會有pci呢個interface呢? 之後,當人人走去賣overdrive既時候,我再一次衝擊腦場,我引入佐當年人人都話咁貴點賣既pentium 60,之後既pentium 75 仲係dual cpu設計,成個組合出街都要成五萬五仟幾蚊,嘩!聽到都話買架車好過啦!事實上,香港有錢人多的是,當年,我真係賣過唔少呢個組合。 又 正當腦場大賣curiuslogic之際,大賣原因係因為當年佢運行2d係最快既,同期當然仲有tsangslab et6000啦!所以我再次引入佐number 9黎抗衡 ,當年我睇好3d既市場,而series 9系顯示卡,運行3d速度係比同行快幾條街,最令我足以自豪既就係imagine 128,全香港第一張運行128bit既3d顯示卡。 再係咁講落去就真係講唔完,講返「小巴巴」,佢經常走黎我鋪頭買野而認識,佢果陣仲係一位中五學生,之後,仲係我鋪頭做過parttime一段時間。 2000年,再遇上「小巴巴」,佢帶佐我上去當時位於鰂魚涌同北角之間既radio republic﹝即係talkonly最早做節目既地方﹞佢介紹佐netbugs,小黃同qa比我認識,就係咁,我就成為talkonly既一份子,直到而家! 講返talkonly十週年,我地會係9月24號星期五搞一個聚會,當然唔少得仲有我既全新作品 “ 流料roy見鬼實錄 <水鬼> ” 大家有興趣參加的話,可以到以下網址登記,名額有限,多謝大家支持! http://www.talkonly.net/blog/2010/09/03/talkonly

九月四日 蘋果日報

符咒鬼書夠驚嚇! 鬼節鬼書特別多,《有鬼》封面似足一道符咒。作者 Roy自稱 6歲盂蘭節時始見鬼,自此開展見鬼生涯。所載每段故事由對白到場景都巨細無遺,撞鬼人士口吐異物打道士、街頭如廁惹邪靈,戲劇效果十足,孰真孰假,毋須考究,但我看了兩個故事,已經無膽看下去了! http://www1.hk.apple.nextmedia.com/template/apple_sub/art_main.php?iss_id=20100904&sec_id=12187379&subsec_id=12732532&art_id=14414347&cat_id=12790169

現場報導

今日放工落佐荃灣,經過書店緊係走上去睇下自己本書又賣成點啦!一入到書店大門收銀處果度,見到有人攞住我本書排隊比錢,老實講我真係第一次見到有人親自攞住我本書係書店比錢,一個四十多歲既中年男人,我緊係唔放過呢個機會走上前問下佢。 我:「先生!可以講兩句嗎?」 佢:「……我好趕時間!」 我:「先生!我唔會阻你好耐,只係問幾句!」 佢:「唔好意思!我咩保險呀!投資理財都有齊晒喇!你搵第二個啦!我幫你唔到架!」 我:「先生!我唔係黎sell咩野架!我淨係想問你點解會買呢本書?」 佢:「書?」 我:「係呀!你啱啱比錢買果本書。」 佢:「你係書店定係出版社架?你問黎做咩架?」 我:「唔好意思,我係呢本書既作者。」 佢:「哦?我睇唔似係你寫喎!」 我:「……點解咁講呢?」 佢:「睇樣你唔似有咁多經歷,同埋你唔似可以寫到咁既故事出黎!」 我:「……」 佢:「其實我約佐朋友但係又未夠時間,所以黎書店行下,打發時間,我見到呢本書個cover幾吸引,所以攞上手睇下係咩黎囉,點知道睇下睇下又停唔到。」 我:「停唔到?」 佢:「係呀!故事寫得好緊湊,好有電影feel,真係一睇就停唔到要追落去,我見約佐人又要趕住走!本書個價錢唔算貴又咁厚,所以咪買佐佢囉!」 我:「多謝你!」 佢:「可以幫我簽個名嗎?」 我:「當然可以。」 一直以黎,我都認為買我本書既朋友們都係有聽過同睇過我既blog先會支持下我,我冇諗過竟然會有其他朋友會支持,身為作者既我,同樣感受到呢份支持同鼓勵,感到熱淚盈眶。多謝!

多謝支持!!!

自從上次新書《有鬼》簽名會發行以黎,足足都有一個月,係呢一個月以黎,我都收到唔少海外fans既訂單,我已經如期寄出,如果當中有fans仲未收到我既書,請email跟我聯絡,我會盡快補回。 至於香港方面,我每星期都會走訪各大書局,睇下個銷售情況,由第一日推出市場以黎,我見到好多書局都放置係當眼既地方,有些書店更加列為暢銷書,多謝各大書店店長幫手推介,我眼見由第一日成幢放係度賣,直到每星期行過都見到少d又少d,直到今日我發現之前有出售既書店都已經售罄!!!更有網友搵佐幾間書店都係賣晒,係呢度我真係要講聲唔好意思!我手上仲有好少量存貨,如果大家需要購買的話,可以直接email聯絡本人,我會安排親自送貨或郵寄,多謝大家支持! 我向大家保證,《有鬼2》故事內容更強,更震撼!有您地既支持,我會繼續努力。 email : roy@roylau.org

七月十四

當我聽到菲律賓挾持人質事件當中,最後係八死兩重傷完結之後,我心情真係好不安,原本已經係行程既最後一日,點都估唔到會有咁既事發生,聽到有關既報導,槍手係揀佐外國既遊客下手,因為佢知道咁做先會得到社會各界關住。 係呢次事件當中,其實係下午送飯果陣點解唔試下係d飯度落安眠藥?等藥力發作之後可以上車救人質。當然,我都唔知道可唔可行,至少,我就真係唔明咩叫特種部隊?唔係受過專業訓練既咩?點解會好似咩都唔知道就走去救人質? 記得九三年,我同樣都遇上過一次挾持人質事件,地方同樣都係菲律賓,係馬尼拉市中心一間叫《手拉手》夜總會裡面,當時亦有其他旅行團一齊睇表演,可以話係坐無虛蓆,同樣我都係做旅行社既領隊,我帶住一團三十多人團友正在睇表演,而兇徒就係呢間夜總會工作,因為前一日無故被公司辭去工作,所以夜晚潛入表演台挾持當時係度正在表演中既魔術師。 當時,個兇徒手上攞住兩個手榴彈,一初我地以為係表演既一部分,所以大家都不以為意,直到個魔術師走離台上高聲大叫「help me!!!」之際,有幾個攞鎗既警察走上台之後,大家先知道當時唔係表演,之後場面一片混亂。 混亂之際,當地個導遊一手拉住我走出外面,當然,好在個兇徒被制服,先至不至於有傷亡發生,因為第二朝個導遊同我講,佢話果兩個手榴彈係真既!我聽到之後先至識得驚! 係今日發生既事件中,我為不幸死去既香港人禱告,希望佢地得以永生,其他獲救或仍然留院既人,努力呀!加油呀!一定要撐下去! 下一秒鐘大家都唔知道會發生咩事,活在當下,珍惜眼前人!

意見

自從本書出街之後, 當然收到有讀者既email提出本書各方面既野, 就好似個cover, 唔少人話正!!! 當然都係黎自本人親自design, 至於個size, 因為太厚既關係, 所以好難揭, 呢樣我都知, 所以下一本應該唔會再用呢隻紙, 其實仲好可以平好多, 當初揀呢隻紙係因為個手感原故, 再加上印出黎之後似舊式小說feel. 屋企人睇完之後同我話好驚, 緊係, 因為我講述小時侯既地方, 大部分都係同佢地一齊生活既地方, 一定有所共鳴, 至於又有網友狠批我寫呢本書係似小學生作文, 當然亦有網友話冇咩高潮起跌, 有彈都有讚, 有網友讚我寫得好到肉, 睇到停唔到!!! 而大家同一樣既係話我本書同個blog好唔同, 之前有聽過我d錄音既都話係好好笑, 笑多過驚, 但係相比之下本書就比較嚴肅, 睇落真係似鬼故, 其實原意我都係諗住寫多d笑話, 比大家有一個驚喜!!! 我都想聽多d大家比既意見, 作為下一本書要改善既地方, 如果大家想提出既話可以email比我, roy@roylau.org 多謝!!!

魚與熊掌???!!!

有網友EMAIL問我同我直接買書有咩好處??? 我又好直接答就係可以唔駛比書局食佐我一半錢之餘,同埋你地仲可以有我簽名!!! 因為發行商會抽佣之餘,大部份都係書店抽晒,係七折八扣之下,我都係得返四成,仲要等一年後先至有錢收!!! 當然話分兩頭,係出面書店買既好處係可以幫我谷吓銷路囉,唔係點可以加印第二第三版??? 我自己果D簽名本只餘下廿多本,今次真係賣晒就冇!!! 我係度再三多謝每一位支持我既Fans,多謝!!!

海外fans訂購服務

各位海外fans, 如果大家想訂購<有鬼>呢本書既話, 大家可以email比我, 我會付上親筆簽名. 香港fans如果等唔切書局發售既話, 都可以搵我直接訂, 呢兩日星期六日我都可以係所有地鐡站交收比大家!!! 多謝支持!!! email : roy@roylau.org

夢想成真!!!

好多人都聽過 “一個人如果冇佐夢想,咁就同咸魚冇咩分別!!!” 我既夢想就係出書,上星期日,我終於將自己多年黎既夢想實現,我亦都見證佐我本書既誕生。 今次出書,我當作為中國人第一次火箭升空既創舉,下一步就係要去登陸月球,雖然好似係跨張佐D,不過,開心的確係好開心,因為係呢年幾以黎埋頭苦幹,真係不眠不休,日頭開工,夜晚就開夜車,不停係咁張之前果d錄音轉化做文字,之後就不停去編輯同修改,修改又修改,年復年,日復日,直到出版既一日,當中既努力到今日係冇白費到,我好幸運有屋企人既支持同幫助先得以順利完成,多謝大家!!! 記得啱啱開始編寫既時候,其實我遇上既困難就係唔識點去寫,正確黎講係一開始其實好多編文都係用佐 “口語化” ,大家可能睇睇下會發現點解會有” 吓,哦,喂” 之類既字,其實之前全編故事都係咁,一初我心諗真係想親切d,好睇d!!! 但係寫好佐成五,六個故仔之後。發覺真係好似唔係咁好,所以問下屋企人同朋友意見,最後大部份都建議我轉返做書寫文。 就係咁,我又用佐成大半年時間將口語化轉為書寫文,之後又遇上一個問題就係點形容好呢??? 就好似口語化講 “咁點好呀???” 書寫文係叫做” 現在怎麼辦???” 對一個攞8u生黎講,真係一個極難既事,仲有既就係錯字,一開始就係咁錯,之後比人改又錯,再改再錯,一直都係錯,錯到去做校對之後先至可以修正返晒,我真係冇諗過我D錯字係咁離譜架!!! 最後,我呢生人要做既野比好多人都好好,我結過婚,有個女,有錢過,亦訓過街,成功過,當然都經常失敗,雖然失敗既比成功既多,付出既比得到既少!!! 但我都好知足,此生無憾!!! 如果大家有夢想既話,唔好理佢大定係細,一步一步咁去做,慢慢就會開始實現,我都可以,你地都一樣可以,夢想成真!!! 送上我近來好LIKE既 農夫作品 24 ,希望大家都LIKE!!! “有幾多個人有幾多個夢想從來未曾實現”

多謝大家支持!!!

成日係facebook寫完野又唔記得係自己個blog度post返出黎, 都係個朋友同我講返先至醒起. 講返正題, <有鬼>新書簽名會已經完滿結束, 我係度好想多謝一直支持我既人. 多謝屋企人, 多謝fans們係大熱天時排隊排成大半個鐘到場搵我簽名, 仲有特別多謝fans patpat同money, 專程請半日假過黎支持, 仲買埋好好味既cookie比我, 多謝晒!!! 新書係書展呢幾日已經售出百多本, 成績都算唔錯!!! 聽日開始各大書店公開發售!!! 本人 流料roy 真心真意係度再次多謝各位支持!!! 希望大家鍾意<有鬼>呢本書. 更希望大家比d意見!!! 多謝支持!!! 流料roy

緊急通告

各位FANS: 如果大家有買我本書既朋友, 因為已有朋友同出版社出佐事, 係唔止一個人, 所以為保障閣下安全起見, 請把書包好就應該冇咩事!!!! 多謝合作!!!!

<有鬼> 新書簽名會

大家好呀!!! 我本新書簽名會呀!!! 多謝支持!!! 7月25日星期日~下午 4 點至 4點半 香港書展2010 攤位號碼: 1A-B02 (紅出版)

車禍現場!!!

啱啱返屋企途中,就遇上車禍,係現場明明見到個女人訓係地上面,轉頭又唔見佐???唔通見我寫書寫到唔知寫咩好,就比D猛料我???