可惜我是水瓶座

kung, 妳好嗎? 兒子好嗎? 在天國生活好嗎?自從上次一別之後,我想不到要再次見妳已經成為願望,轉眼間又走過十六個年頭,十六年來都很不容易渡過,我也有想起妳的時候。 對不起!其實,我也有刻意去逃避想起妳,但每次越是逃避便越會想起,十六年來,我一直抑制著自己對妳的情感,有時,我會在夜深人靜時,不自覺地流下眼淚來,如果可以重新再選擇多一次的話,我會說一萬個不願意!不願意妳離開我,一個人走到遙遠的一方生活,妳知道嗎?假期的時候,我也想過到清邁來探望妳,可是,我沒有勇氣,真的再沒有勇氣去面對妳和兒子。 記得在第一次遇上妳的時候也是在情人節,我還是找了很久也沒法找到玫瑰花送給妳,因為當時泰國人是不知道甚麼叫玫瑰花,之後,我便知道當地人叫她 做”康立”, 最後,當然也是找到了,還記得這柬花是我自行包裝的,因為在清邁送花是不流行。95年情人節的當日,我寄了一張很大很大的情人卡給妳,但我知道妳是沒法收 到,永遠也沒法的看到,這只是我對妳的一點心意,希望妳也能明白。 如果真的可以的話,我很想再與妳和兒子多見一次,只是一次,我便心滿意足,因為我有很多的話要跟妳談天,以前,我們不是時常走到屋外遠眺天上的星星,記得是妳教懂我北斗星的方向嗎?還有獵護座嗎?我現居住的地方也能看到他們,每晚和愛犬散步的時候,我也會留意他們的存在,每當看見他們的時候,如同看到妳一樣,我也感到安慰。 我跟妳的歡悅聲,我是沒有忘記,一直也埋藏在我心最深處,因為,我是水瓶座。 思念是一種很玄的東西 如影隨行 無聲又無息出沒在心底 轉眼 吞沒我在寂寞裡 我無力抗拒 特別是夜裡 哦 想你到無法呼吸 恨不能立即 朝你狂奔去 大聲的告訴你 我願意為你 我願意為你 我願意為你 忘記我姓名 就算多一秒 停留在你懷裡 失去世界也不可惜 我願意為你 我願意為你 我願意為你 被放逐天際 只要你真心 拿愛與我回應 什麼都願意 什麼都願意 為你

1月26日 星島日報

40後……

唔經唔覺,我既人生走o左四十個年頭,係呢四十年o黎真係經歷過唔少風風雨雨,有起有趺,有失有得。人生中最記得o既第一件事,就係小四o個年…… 記得小學四年級o個年,當時班主任 “歐陽琬霞” 老師曾經同我講過:「你阿爸改你呢個名真係冇改錯,你真係永遠都唔會得。」就係呢句說話,我銘記於心三十幾年,又有一次係中學o既時候,中三o個年,有位教中文o既陳sir同我講過呢句話:「你出世就係多餘,你再留係呢個世上都係多餘o既!!!」 之後,我因為鍾意寫作,所以我中四o個年選修文科加中國文學,就係中國文學呢一科影響我好深遠。中五會考o個年,我中文科好用功去讀,結果我考佐8個u,我深信就算讀書唔成,只要努力一定會有出頭天!!! 唯有出黎打拼天下。 啱啱出o黎做長工,我去佐渣甸做個信差,當時人事部o既阿頭花姐,佢同樣同我講過呢句話:「你呢種8u廢柴!!! 你仲可以做得咩??? 有我收留你,你算好好彩!!! 」當然,我做o左大半年之後,我冇再繼續做落去,我去佐做電腦。廿幾年工作裡面,我做過好多工種,真係咩工作都做過晒。 最晦o既時候,我訓過街,人生第二個轉捩點,就係當時一位係人都知道佢係黐線o既黐線佬走o黎同我講 : 「哈哈!你攞住o的紙盒走o黎沖涼??? 你係唔係黐線o架??? 」我居然比一個黐線佬話我黐線,我真係好氣憤!!! 於是,我又好努力去做人人唔願做o既清潔工作,第一日出糧,我搬佐去深水埗住籠屋,即係一間屋裡面,間佐好多個近似老鼠籠咁上下,一個位再上中下三格o個種,訓覺要攬住所有o野訓,如果唔係第二朝起身,o的o野會唔知去晒邊。居住環境好惡劣,人又多,又嘈又嗅,當時,我同自己講,我唔會再訓街,我唔會再返黎呢度!!! 記得做電腦o既時候,除生同我講過呢句話:「如果環境唔許可的話,就自己去創造一個出黎,係屬於自己o既環境,用自己創造出o黎o既環境去改變人地。」呢句話使到我畢生受用,之後做地產工作o既時候,我的確搵佐好多錢,但係九七年一個金融風暴,一夜之間咩都冇晒!!! 往後,我又做過其他唔同o既工作,可能,個天要我經歷過,考驗過,先可以得到一o的o野,最終係咩??? 我都唔知道!!! 我自細就有地中海貧血病,我成日要入院輸血,阿爸因為我要好努力去搵錢醫我,因為私家醫院排期夠快,有錢就有血輸!!! 阿媽就成日要去醫院照顧我,十二歲過後,我又同自己講,我唔會再返去,我要靠自己維持同延續自己生命。 咁多年黎,我經歷過好多事,遇過好多唔同o既人,就係咁,就鍛鍊出我o既口才同對人o既處事方法….. 今日係facebook祝賀我生日o既留言超過百多個,我真係好開心,當中,有好多支持我o既朋友,有好多比信心我o既朋友,我真心要多謝您o地,只要有您o地o既支持,我先可以一步一步走出谷底,走進成功路上。 係度要多謝一些人── 多謝阿爸同阿媽帶我o黎到呢個世上,使我知道生命係咁精彩,“感激得您不放低我更維護我” 多謝家人默默支持同鼓勵,尤其是二家姐,由我細個開始就照顧我到而家,咁大個人都要妳照顧我,真係醜!!! 二哥,多謝你對我o既愛護。 suann,多謝妳多年黎o既不捨不棄,我會好好記住,有錢我會分一半比妳。 曉嵐,多謝妳o黎到呢個世上,使我知道咩叫”養兒方知父母心” netbugs,多謝你係我最仆街既時候出手幫助我,比工作我做,我會記得你恩惠。 徐生,多謝你教識我做一個sales應該有o既態度同方向,可惜,你已經離開我o地。 修頓球場o既黐線佬,多謝你當年指住我話我”黐線”,使到激發起我努力。如果唔係,我可能仲訓梗街都唔定。 小巴,多謝你o既出現,你改寫佐我既下半生。 最後一定要多謝talkonly呢一個平台,比到我好多空間去發表我個人o既故事同經歷。 仲有一直默默支持我o既朋友們,fans們,我係知道!!!

孝道

正所謂”百行以孝為先” 係呢度我唔係要講咩孝行,但做人最基本既關心家人,尤其是年老既父母,做仔女既,我覺得應該都要盡責任。 今日我講呢個故事,係真人真事,係發生係我呢條村裡面,一個七十幾歲既婆婆,佢每日挑起一擔子,由大埔坐車去市集擺賣,大家都知道,我屋企係位於山腳,我每日行上山頂返工都氣來氣喘,更何況倆蘿放滿東西既擔子??? 我今早出門既時候,又再一次遇上呢位婆婆,當時,我見佢好輕鬆咁沿路行上山頂,而我就從後趕上中,突然,婆婆身後一個竹籮內跌下佐一包東西,我即時急步上前,看到原來係芭蕉葉,婆婆見到我都報以一個好親切既笑容,佢同我講呢d葉係買比人做”茶果”用,當佢放下身上既竹蘿,我發現裡面仲有一些香蕉同蔬果,我打算幫婆婆放回之後,我就攞起呢個竹蘿,真係好重,我亦真係冇想過咁重,倆個竹蘿加埋應該有十幾磅重。以婆婆既身形,外人難以想像到既辛勞。 我一面步行,一面跟婆婆閒聊,婆婆話佢幾十年黎都係咁,已經習慣了!!! 婆婆妳一個人住嗎? 唔係,仲有個仔同新袍住係我樓上。 哦? 佢地一定工作好忙,沒時間照顧同幫忙。 唔係,佢地係屋企睇電視呀!!! 下??? 點解唔幫手??? 個仔只係車過我一次,之後就沒有!!! 下??? 車妳一次??? 佢有車嗎??? 有,佢最初車我上山,只係上山,沒有出市區,因為個仔話我太多野講,唔想再車我囉!!! ……咁,佢話妳煩嗎? 可以講嗎??? 可以,佢話我好問佢野囉!!! 我都係問佢生活如何??? 做阿媽當然關心下自己仔女啦!!! 當然啦!!! 其實都係好平常事。 咪係囉,一到山頂,我都未落車,佢就張我d野掉係地上立刻開車走!!! 下??? 咁都得??? 所以,只係一次,亦係最後一次!!! 我聽到之後,心開始酸溜溜,點解世上有d咁既人??? 仲要係住係我同一條村??? 我更知道佢地平日連基本一個招呼都沒有!!! 養兒方知父母心,我都好明白,現今,每個人都係為工作為身計而忙,但忙碌過後,可以抽出多一點時問,去問候去照顧父母呢??? 有時一句問候,家人都可以安慰一點,如果當佢地年老既時候,佢地既仔女同樣對佢地,佢地又會點講??? 平時一個街外人都會幫助別人,更何況佢地係自己既親人呢???

朋友

擒晚,約好佐一班好友去卓飛屋企打邊爐,佢位於大埔既屋企真係好靚,真正背山面海,凍就係凍佐D,不過,使到我知道咩叫享受。我地一行十幾人係佢屋企天台打邊爐,我都好耐未試過咁開心,有美食之餘,要多謝主人家卓飛既好客之道,卓飛,妳個老婆真係好好,好多謝uny同rachel唱生日歌比我聽,rachel妳同我講既說話我會記得,我地會繼續做無間道,使到更多人得到真正既快樂同永生!!! 多謝chirs既易經塔羅,真係好準確下喎!!! 好多謝華師兄既八字神算,雖然我都唔識睇,淨係聽你講知道來年好運我都心滿意足,多謝ella既神奇番梘,希望可以幫到我一點,不過,上次妳私人醒比我既唔知咩人緣水,效力都唔錯架!!! 不得不承認,我呢生人裡面,遇到唔少好朋友,全部朋友都對我好好,使到我可以開心成長,朋友–對我黎講真係好重要,以前到而家都係,唔係朋友我唔會有我既喜愛工作,比我溫暖之餘,仲有歡樂,我好慶幸係呢生人裡面可以認識到大家!!! 真心多謝大家!!! 最後,來年目標係可以搬家到一個可以背山面海既地方,西貢都係一個唔錯既選擇,我要為目標而奮鬥。 係時候要好好享受下餘下三日既三十幾既日子,屈指一算,仲有三日,三日後又到佐人生另一個階段……..四十歲喇!!!!

最後20本<有鬼>簽名本

最後20本,唔知道仲有冇人未買呢? HK$55蚊,要就請SEND EMAIL比我啦!!! 多謝^^ roy@roylau.org

似是而非?!

已經不只第一次發生這種事情,到現在我還是搞不清楚,現實和夢境之間的事情,而這事件發生在星期五的早上。 當日早上如常起來,記得還是很冷,喝上了一啖溫暖的蜜糖水,之後便穿上厚厚的外衣,手拿起狗繩結套落在愛犬身上,準備出外。 清晨屋外真的很冷,我如常遇上在家外工作的清潔嬸嬸,往來一句問候,之後便跟上愛犬散步,牠也如常在草地上走動,在等候牠的同時,我也遇上趕緊上班的鄰居。 回到家裡,我如常梳洗,我喜歡早上淋浴,可以話是一個多年的習慣,那熱騰騰的水,使到我頓時清醒過來,梳洗過後,便換上了衣服外出上班。 我居住的地方是比較偏遠的大埔山區,每天早上在等候巴士時間比較長時間,一般都要十五至二十分鐘,我也習慣一邊等待一邊看手機上的蘋果日報新聞,當天比較幸運的是,我只看了好幾篇幅,巴士便到達,付款之後,我走進車廂比較後段的位置坐下來,往常我會閉目養神,但不知道在甚麼時候,我睡著了…… 再次起來的時候,我看到天花板,一個好熟識的地方,當時我再四處張望,心裡突如其來的不安,心裡想著 : 不是嗎??? 我怎會在這裡來??? 是真的嗎??? 起來的時候,有點驚訝起來!!! 我發覺我仍然在家裡的床上,我再望望我身旁的時鐘,已經是十點許,究竟是甚麼一回事??? 現在是夢境還是真實的呢??? 我點起香煙,深深吸了一口,這個時候,我看到在書枱上的手機,突然醒悟之前在夢中我看過的新聞報導,我連忙打開查證,結果那些新聞報導如同我夢中的完全一樣,為什麼會發生這樣的事情??? 直到現今,我還是不很定是夢還是……

<有鬼>第二版,現正上市!!!

我咁多年收過既生日禮物都唔少,咁啱今個月生日,成四十歲人,第一份生日禮物就係自己既著作可以出到第二版,今日係公司收到出版社送黎呢份禮物,真係好開心!!! 辛苦多年既成果得到很定,而出面既書店亦都開始發售<有鬼>第二版,有網友問到我生日願望係咩既時候,我當然希望可以再加印第三版啦!!! 如果以而家銷售情況黎睇,由發售至今係短短四個內已經售罄,我諗應該都可以再加印第三版。 至於<有鬼2>,發售日期應該都係今年七月既書展,真係冇辦法,時間真係唔夠,日頭又要返工,放假又要係屋企洗衫執屋同放狗,星期日又要返教會同湊女…… 時間真係唔多夠用,而家晚晚連訓覺都唔多夠時間,事實上真係好辛苦,不過,每當想停落黎既時候,又諗起fans們係facebook既留言支持,即時又再次提起精神再次投入<有鬼2>編寫工作。 係度再一次多謝支持我既fans們,喜愛<有鬼>既讀者們,只要有您地既支持,再辛苦多一點,我都樂意。

2010事件簿

各位, 2010年就快過喇, 今日係31號, 當然要寫下自己今年做過d乜同埋發生過d乜啦!!! 回顧返我既2010年上半年好似冇咩野做, 其實我係努力寫書中, 到佐下半年後, wow….. 真係忙碌又忙碌呀!!! 7月份, 推出我個人第一本著作<有鬼>, 書展簽名會得到好多好友, 家人, fans支持. 8月份, 香港人網恐怖在線做嘉賓, edmond幫我本新書極力推介, edmond多謝您, 著作<有鬼>正式發售. 9月份, 香港新浪網<流料roy鬼話連篇>人物專訪, 訪問當日有過仟人在線. 10月份, 新mon怪談陰間電台做訪問嘉賓. 11月份, 新mon怪談陰間電台嘉賓主持. 12月份, 正式加盟新mon怪談陰間電台節目主持, <有鬼>第二版加印中. 係2011年, 應該都會由年頭忙到年尾, 因為<有鬼>ebook版本仍在編輯中, 係有好多重未曝光既相片係ebook版本中出現, 每個星期五要做陰間電台節目, <有鬼2>都係初稿中, 仲有係洽談當中既….. 到時先同大家會報啦!!! 仲有係我想係度多謝好幾位朋友, karen wong, money, 七叔, 巫邪, edmond, 阿威, netbugs, gladys, billy, 二家姐, 細妹, jacky仔, uny, rachel, 華師兄, 師叔, […]

天梯

幾多對, 持續愛到幾多歲??? 幾多對, 能悟到幾多精髓???

I’m here

記得係幾年前係旺角一間樓上cafe, 我係同個女係度飲野, 有一位中年女仕走過黎自稱係talkonly fans, 寒暄幾句之後, 佢重幫我埋單話當係請我同我個女咁話, 我當時真係唔好意思, 當然都好開心啦!!! 之後認識佐一位女網友, 佢係係個某forum聽過我d鬼故之後就一直聽到現在, 佢真係唔話得, 係今年我出書既時候, 眾所周知我出名係錯字王, 所以佢都唔食唔訓係短短幾日內幫我對晒d稿去,  成九萬幾字, 我真心要多謝佢. 書展既時候, 我係冇諗過有咁多人搵我簽名, 當日售出126本, 126係我既lucky no, 因為我係1月26日出世, 個日仲有個fans買佐盒cookie比我, 超開心!!! 早幾個月, 有個fans email比我, 佢同我一直都有聽開我既鬼故之餘, 重有儲存錄音, 仲係由十年前talkonly既錄音開始到現在, 佢只係有一個請求, 就係早倆個月我係sina訪問錄音, 我即時嘩然!!! 當然都有去搵sina果面幫手啦, 最後, 呢位超級fans都如願以償, 多謝您!!! 早倆日又有個fans送佐隻表比我, 係因為叫我睇住d時間出<有鬼2>, 唔好太遲咁話喎!!! 我收到之後, 真係有d受寵若驚!!! 仲有好多係我背後默默支持我既朋友們, fans們, 我係知道架!!! 一切一切, 都係您地支持我, 每日收到facebook, 微博同email既留言支持, 使到我一次又一次堅持下去, 就算出面幾大風雨, 我都會繼續向前走下去. 係呢幾個月的確係有不少壓力, 可能係來自自己, 但我從來唔會去理會人地點睇我, […]

愛的替身

屈指一算, 已經係第八個, 雖然係第八個, 我仍然相信都係我所認識女性朋友當中極少數既想法. coey係我年頭係網交認識, 23歲, 個子高挑, 重擁有一對迷人大眼睛, 以佢既外表唔難搵男朋友,  但係遍遍就比佢現任男朋友一次又一次捨棄, 我同佢只係見過幾次面, 大部分時間都係電話閒聊, 直到今晚, 我再見到佢既時候, 佢同我講今次係正正式式同男朋友分手. 記憶中, 佢同呢位男朋友拍拖都倆年有多, 分手都有十多次, 係十多次分手情況之下, 都係佢忍唔住先提出分手, 但結果次次當然都係佢自己回心轉意, 我有次問到佢關於分手一事, 既然分手又何苦重要再拖拖拉拉??? 佢每次答案都係好明確地講出”因為愛” 就係因為愛呢句話, 就令到自己往後甘願成為對方每星期既泄慾工具. 係只有性而冇愛之下, 其實一開始coey就知道對方並唔愛佢, coey一心諗住一切為對方好, 只要深愛對方, 凡事只要為對方付出, 慢慢對方就會受到佢既愛而感動而有所改變, 當然, 佢男朋友一次都冇去改變, 直到今次點解會心死, 係因為coey已經有佐身孕, 藉以以為可以留得住佢男朋友, 呢一個賭注實在太大, 我真係唔明女人又點解可以咁做. 佢同我之前提及過個七位女姓朋友一樣有一個共通點, 就係對方唔理佢感受就越喜愛對方, 不得不承認, 戀愛係麻木既, 當局者迷真係冇講錯, 一心一意為對方著想, 但偏偏換黎對方一次又一次既捨棄. 可能女人係某情況下, 係明知道錯但仍然繼續錯過去, 可能係唔甘心既關係, 明明自己付出咁多, 相反一次回報都冇, 越係得唔到就要得到, 朋友話直接講呢種叫”犯濺”, 聽落又幾到題, 講返coey, […]

噹噹 1996-2010

生老病死,係每個人都會必經既階段, 就算再問我一佰次一仟次, 我都會答 : 怕!!! 我真的很怕!!! 我最怕就係呢個情景。好多謝前妻連日黎對佢悉心照料, 使到佢可以過佐好多個開心晚上, 年老已至病死, 呢個係唔可以逃避既自然定律, 都成14歲, 離開係遲早既事, 希望噹噹一路好走!!! 天堂再會!!!

離開是為了另一個開始

記得係十年前一個偶遇之下, 我加入佐”講台Talkonly”做嘉賓主持, 隨後幾年既星期五, 我偶爾都會係節目上發表下我對當時腦場既睇法同一些少為人知既腦場秘密, 更係一次報導錯誤之下, 被其中一位節目主持QA 嘲笑我放”流料”, 流料roy呢個名就係咁誕生, 06年, 我係沙田做cs既時候遇上總總事件, 發表佐”流料roy爆笑實錄” 引起各網友喜好, roller girl直到現在仍然成為佳話, 直到07年年頭我被公司裁員, “流料roy爆笑實錄” 亦告一段落, 同年, 我係一次talkonly bbq聚會之中, 我講述我多年來所遇上既見鬼故事, 眾人嘩然!!! 於是, 我再係talkonly發表佐”流料roy見鬼實錄”, 我將我三十年黎見鬼經歷分享, 即時引來各大少forum轉載, 受歡迎程度係我冇諗過!!! 往後三年, 我一共發表佐二十個故事, 2010年夏季, 我終於願望成真, 因為幾年來我係talkonly所口述既鬼故編寫成文字, 出版成為”有鬼”一書, 更在短短四個月內售罄, 駛我更努力去編寫”有鬼2″. 多年來既努力得到大家既支持同很定, 我好多謝大家!!! 當大家一睇到個標題既時候, 相信都猜疑我所講既”離開”係咩一回事, 今日, 我要離開”Talkonly”, 一個陪伴我成長既老地方, 一個熟悉既大家庭, 當中我所認識到既好朋友, 所發生既一些事情, 直到現在我仍然歷歷在目, 之前我都有提及過如果無”talkonly” 就唔會有我流料roy!!! 我現在向大家宣佈, 12月起, 我會正式加盟新mon怪談陰間電台做節目主持, 當然唔少得重有前怪談女主持rachel, 對我黎講係一個新嘗試同新挑戰, 以往在任何節目之中, 我都只係做被訪問者, […]

50% OFF

不得不承認錢真係幾重要, 錢係可以令到自己作出種種改變. 曾幾何時, 我係一個不折不扣, 不畏強權, 好自我既人, 如果唔合理, 我會拚命去爭取, 我會唔怕死去對抗, 就好似係舊公司咁, 咩老闆咩高級經理, 我都唔會畏懼, 照話可也, 就算舊老細”甜筒輝”我都唔放過…… 我自從經歷過多年來戰火洗禮之後, 我的確改變佐唔少, 就好似對上一次公司裁員之後, 當初自己重好樂觀, 重以為憑著自己係電腦界多年經驗, 有信心可以好快搵到工作, 每日寄出數十封email, 但一直都冇回覆, 日復日, 年復年, 我開始懷疑自己既能力, 我開始係度諗, 唔做電腦, 退而求其次, 我都重可以做返老本行”sales”, 於是, 我每日又再次send佐數十封email出去, 當然, 當中係日日有工見既情況之下, 見工成為佐我每日既工作, 記住, 見還見係冇收入既, 重要蝕車錢, 係呢段日子裡面, 要面對搵工既困擾同時亦要面對每日生活既開支, 係最絕望之下, 最後, 我一心走回頭路, 走返地產界諗住可以闖出一番作為, 又有邊個知道生意一落千丈呢??? 又係全無起色之下, 我忽然明白, 要生存已經唔係為自己, 工作已經唔係工作, 理想更加係遙不可及. 為佐生活, 而家只為工作而工作, 老闆話乜就乜, 同事要點就點, 諗起有點似我細個陣玩既一個機械人玩具咁, 淨係識叫”yes […]

大痲成的故事

“錢唔係萬能, 無錢就萬萬不能!!!” 呢句話我相信好多人都知道, 至少我個女一早已經知道!!! 尤其是係香港呢個拜金主意社會底下, 生存並唔係為生活, 錢要搵得足夠之餘, 重要搵好多好多. 今次我要講呢一個故仔, 係我一個認識廿幾年中學同學, 佢既轉變, 唔多唔少係好多香港人夢寐以求既人生. 大麻成係我一個中學時所認識既一位同學, 廿幾年黎我地間唔中都會見下面, 傾下大家既近況, 記得大痲成係出身係一個舊式既家庭, 以舊式家庭黎講, 佢屋企唔算人多, 阿爸媽之外重有一對孖女細妹, 佢同我唔同, 我雖然都係係舊式家庭長大, 但我有七兄弟姊妹, 而我就係排行第七, 中五果年, 我就係因為考佐7個U之下到外出搵工作, 而大痲成成績唔算好好, 至少都考上4C3D, 理論上, 佢係可以繼續升學, 但事實上, 唔係佢想像中咁理想, 因為大痲成個阿爸係呢一年交通意外離世, 佢好無奈咁要擔起頭家. 畢業之後我同大痲成係一間貿易公司做信差, 佢係一個勤奮向上, 做事好有計劃, 而腳踏實地既有為青年, 而我就係一個今朝有酒今朝醉既一個, 每逄公司出糧, 成班同事都好苦惱, 大痲成都一樣, 唔同既係, 全部同事都係煩緊去邊度玩, 今次要買對咩款式波鞋. 記得有次出糧佢同我講, “點解大家都係係公司辛勞工作, 人地出糧就可以去玩去買自己心頭好, 而佢就將大部分錢攞返屋企養家, 自己所淨低既只係足夠搭車同食飯???” 我重記得公司有次要做震災籌款, 大痲成身上只淨得30蚊, 公司同事第一時間就攞走佐大痲成20蚊, 重同大痲成講, 你咁大個人唔係得咁多錢呀??? 講出黎真係會比全公司笑囉!!!” […]

法基師叔玄學會

師叔第一次搞聚會叫埋我黎, 我緊係一定到啦, 師叔同華師兄呢對”孖寶”, 只要有佢地係度, 一定帶比我地唔少歡樂, 今次呢個聚會, 我又識佐唔少人喇^^ 師叔重送佐好多獎品出黎, 可惜我抽極都唔中丫!!! 下次見到師叔不如直接問佢攞好d囉, 因為我一向都冇咩抽獎運, 話時話可以識到呢對”孖寶” 都係緣份, 亦係我既福氣, 好多謝”無邪”介紹佢地比我認識, 重有超靚女”uny”, 我地日後重有好多合作既機會, 今晚好開心!!! p.s. 飲生抽加辣椒仔味道係ok架!!!

遊戲規則

農夫有首歌寫過, “愛情係好玩, 但係唔好玩愛情” 無論係男同女都好, 我講真大家都係要守吓規矩好D. 朋友打電話黎又話要生又話要死, 成個對話中都只係聽到佢係度哭哭啼啼, 事情大致上係講佢男朋友點唔好, 點唔理佢, 點點點……. 成個鐘頭裡面, 我聽到開始”恰眼訓”,  外人好難明白, 點解我會唔采佢!!! 講到呢位經典朋友, 就要講吓佢既愛情觀, 一個三十歲, 正常女人一個, 一般女人有既野佢都有, 當然, 佢亦都有其他女人未必有既野, 就係自大同煩!!! 講到呢度, 我唔係想講佢呢幾樣野, 我深信每個人都有權去愛同被愛, 係公平既, 但係拍拖係要守規矩, 我知道既係佢拍過六次拖, 唔知道既可能太多佢唔想講, 每段感情都唔長, 最長果段都係一年唔夠, 大家可能認為佢拍拖唔長可能同性格有關, 的確係, 不過, 只係一半, 其餘既係我知道佢特別喜歡有婦之夫, 佢今次同對上幾次都係. 首先, 我唔介意佢呢種喜好, 只要雙方同意, 問題唔大, 拍拖都係為佐開開心心咁一齊, 既然, 自己甘於做第三者, 我又唔明白佢成日會話男方成日唔理佢呀, 人影都唔見, CALL都唔覆之類….. 當然佢唔係第一次做第三者, 講真, 妳識佢果陣都知道佢有老婆架啦, 妳自己係最清楚既一個, 旁人又點會比妳更清楚呢??? 情況就好似我一位做地盤既朋友一樣, 佢老婆嫁比佢果陣都知道佢係咩人, 到頭來, […]

家人

電話嚮起, 二哥既來電, 佢同我講阿爸因為耳水唔平衡入佐醫院, 耳水唔平衡原來係會影響日常生活, 我都係啱啱先知. 不僅, 阿爸都76歲有多, 老人家間唔中小毛病在所難免, 聽媽子講因為阿爸後生果陣捱更夜太辛苦既關係, 所以老佐之後病痛就開始頻密. 去到醫院果陣, 見佢一個人係度食粥既時侯, 我就諗起我細個果陣, 係醫院阿爸黎探我既情景, 我係有遺傳性地中海貧血病, 細細個就成日要入醫院輸血, 直到長大以後, 就冇再去, 記得當時我每半年就要入院, 住既係法國醫院, 今日再次到黎都重有似曾相識既感覺, 由細到大屋企唔係有錢, 我住醫院既錢都係阿爸用勞力換取返黎, 即係一份工作唔足夠就做夠兩份, 因為私家醫院排期比政府既快, 只要付錢就即時可以入院輸血. 印象中, 阿爸一個人養起一個家, 阿媽因為要照顧我地八兄弟姊妹, 所以要留係家裡, 時不時都有做當時好流行既家庭式製作, 就好似係車衣, 穿塑膠花. 一家人都有幫手, 生活都算係平穩, 直到阿哥家姐長大之後, 阿爸同媽子終於可以退休, 阿爸間中都會講下以前生活同工作既苦況, 亦都係生活點滴既一部分, 最引以為傲既事, 當然係辛辛苦苦佢供養我地成果, 各人都有自己既家庭同事業, 大哥係廣告公司工作, 佢既作品獲獎無數, 我最深刻係佢多年前製作SUNDAY既廣告, 一出街即引來各方茶餘飯後既話題, 更加改寫佐廣告既歷史, 直到現在資訊性既廣告仍然沖積市場. 二哥係獅子銀行既高級行政人員,  而我……相比之下, 阿爸仍然最擔心既係我!!! 我當然好想講比佢知道, 我仍在努力中. 家人對我黎講好重要, 我每當有事既時候, […]

科技~~~電話篇

記得係90年我第一部電話係mo記既8800大水壺, 當時既電話淨係打出同打入, 而電話費印象中係850蚊100分鐘, 飛線服務另計, 正因為電話費咁貴, 所以冇咩必要都唔會用, 之後就有唔同類型既功能, 就好似影相, 上網同多媒體等等. 自從iphone 2G 既誕生以黎, 正正改寫佐電話既功能, 電話已經唔係打出同打入咁既單. 隨著科技通訊既發展一日千里, 要同唔同既朋友聯絡可以有好多唔同既方法, 就好似web, msn, facebook, twitter等等, 真係好方便, 就算朋友住係幾遠, 做緊咩野都好, 都可以知道, 再加上係呢個資訊爆炸既年代, 你要睇既新聞同資訊可以每日24小時不停放送. 亦隨住iphone4 既流行, 出到街各男男女女, 老老嫩嫩都係垂頭對住部電話係度”篤”, 無論食飯, 等車, 搭地鐡, 係cafe, 甚至行街都好, 大家都好聚精會神咁去望部電話, 而我每次見到個女都係一樣, 同樣, 我每星期日返阿爸屋企食飯, 我阿哥個仔都係攞住部iphone 4 係度玩, 但佢只係得四歲. 不得不承認, 我都係其中一位!!! 我同大家一樣可能忽略佐身邊既人同所發生既事, 係時候大家都都要停一停, 望一望. 望下身邊既人, 望下身邊所發生既事, 科技, 係可以將人同人拉近, 但同樣可以將身邊既人拉遠!!!